Samarbeider om fleire nye forskarskular
Nasjonale forskarskular er ei ordning for å fornye og forbetre norsk forskarutdanning, og er eit supplement til institusjonane sine eigne doktorgradsprogram. Forskarskulane består av faglege nettverk der universitet, høgskular og forskingsinstitutt deltek.
Med dei to nye forskarskulane, er Høgskulen i Volda (HVO) no med i sju ulike forskarskular.
Viktig for framtida
Den eine nye er innan innan matematikkdidaktikk. Den er koordinert av Universitet i Agder og ber namnet Norwegian Graduate School in Mathematics and Science Education. Denne forskarskulen støttast med 16 millionar kroner av Norges forskingsråd dei neste åtte åra.
– Noko av det viktigaste vi kan gjere for å forberede oss på framtida, er å satse på forsking og unge forskartalent spesielt. Forskarskulane bidreg til at doktorgradsstudentane er godt rusta for oppgåvene som venter i og utanfor forskinga, seier administrerande direktør i Forskningsrådet Mari Sundli Tveit i ei pressemelding.
Styrke helse, velferd og utdanning
Den andre nye forskarskulen HVO no er ein del av er koordinert av Universitetet i Stavanger og heiter PROFRES (Profesjonsretta og praksisnær forsking på områda helse, velferd og utdanning).
PROFRES skriv om seg sjølv at dei skal utdanne forskarar som er i stand til å tenke kritisk, og som kan utvikle ny kunnskap om, og for, profesjonar og praksisfelt i ei tid kor velferdsstaten pregast av store utfordringar og endringar. Ved å støtte utvikling av kandidatane sine forskingsprosjekt og deira akademiske kompetanse, bidreg PROFRES indirekte til å styrke og utvide kunnskapsgrunnlaget for helse, velferds- og utdanningssektorane. Gjennom sitt fokus på det profesjonsretta og praksisnære, utgjer forskarskulen ein viktig arena for å utvikle yngre profesjonsfaglege forskingsfelt gjennom ei tverrfagleg innretning.
Større fagleg nettverk
HVO har no altså tilsette som bidreg i sju ulike forskarskular, der tematikken spenn frå ei rekkje musikkdisiplinar til matematikkdidaktikk. Henriette Hafsaas, forskingssjef ved HVO, er glad for at høgskulens tilsette er med på å gi eit godt fagleg og utviklande tilbod til komande forskarar.
– Det er positivt med nasjonale forskarskular som kan supplere doktorgradsprogramma ved institusjonane. Gjennom forskarskulane får stipendiatane tilgang på relevante kurs og eit større fagleg nettverk, seier Hafsaas.
Kontakter
Johann RoppenRektor
Tel:+47 70 07 50 20Tel:+47 472 86 423johann.roppen@hivolda.noKommunikasjonskontoret
Tel:+47 70 07 50 00kommunikasjon@hivolda.noLine Lauvsnes OddekalvKommunikasjonssjef
Tel:+47 481 04 676line.lauvsnes.oddekalv@hivolda.noBilder
Om Høgskulen i Volda
Midt imellom fjord og fjell finn du studiebygda Volda. Med sine 4600 studentar og 350 tilsette er Høgskulen i Volda blant dei største utdanningsinstitusjonane mellom Bergen og Trondheim. Volda er kjent for aktive studentar, og høgskulen tilbyr nokre av landets leiande medieutdanningar og tradisjonsrike lærarutdanningar.
Følg pressemeldinger fra Høgskulen i Volda
Registrer deg med din e-postadresse under for å få de nyeste sakene fra Høgskulen i Volda på e-post fortløpende. Du kan melde deg av når som helst.
Siste pressemeldinger fra Høgskulen i Volda
Startar ny naturfagutdanning ved Høgskulen i Volda10.4.2024 10:41:57 CEST | Pressemelding
Berekraft, pandemi og klimakrise er ord som pregar nyheitsbiletet. For at folk både skal kunne undervise i og forstå betre slike komplekse tema, satsar Høgskulen i Volda på eit splitter nytt og fleksibelt studium innan naturfag.
Ei gledeleg førjulsgåve21.12.2023 10:18:59 CET | Pressemelding
Det er for tidleg å sprette kaka, men Høgskulen i Volda (HVO) får etter alle julemerke godkjent sin første eigne doktorgrad: ph.d. i utdanning, språk og kultur.
Seminar om kunstig intelligens7.11.2023 09:41:31 CET | Presseinvitasjon
Høgskulen i Volda tek initiativ til eit dykk inn i temaet kunstig intelligens (KI), og har invitert folk frå fylkeskommunen, kommunane, privat næringsliv, frivillige organisasjonar, studentar og andre som er interesserte i KI til eit gratis KI-seminar torsdag 9. november.
Doktordisputas: Elisabeth Busengdal30.10.2023 12:59:49 CET | Presseinvitasjon
Fredag 24. november skal Elisabeth Busengdal forsvare avhandlinga si for doktorgraden i helse- og sosialfag på Høgskulen i Volda.
Nasjonalbiblioteket under lupa i ny bok28.9.2023 06:03:00 CEST | Pressemelding
Kva driv eigentleg Nasjonalbiblioteket med når dei får digitalisere heile kulturarven vår? Dette og meir granskar professor Henrik G. Bastiansen i ei ny bok etter fem års forsking.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom