Medietilsynet foreslår nye støtteordningar
Medietilsynet har på oppdrag frå Kulturdepartementet gått gjennom dagens ordningar for direkte mediestøtte og vurdert behovet for endringar og nye støtteordningar. Utgreiinga er ein del av førebuingane til stortingsbehandlinga av fireårige styringssignal for den direkte mediestøtta for perioden frå 2023 til 2026.
Medietilsynet foreslår ny driftsstøtte for lokalradioane
Medietilsynet foreslår ei ny driftsstøtteordning med ei årleg ramme på 20 millionar kroner for å styrke journalistisk produksjon i lokalradioar med konsesjon til drift på FM og DAB.
– Lokalradioane bidrar til det samla mediemangfaldet, men har sårbar økonomi. Samtidig er digitaliseringa kostnadskrevjande. Dagens støtteordningar for denne gruppa er i hovudsak prosjektbasert, og vi foreslår no ei driftsstøtte for å styrke produksjonen av lokaljournalistikk i lokalradioar med redaksjonelt tilsette, seier Velsand.
Medietilsynet foreslår også nokre endringar i dagens støtteordning for lokalkringkasting, blant anna å auke den årlege løyvinga til digitalisering av lokalradio med fem millionar kroner. Endringsforslaga gjer at støtta til lokalradio meir enn doblar seg totalt og blir på cirka 47 millionar kroner årleg.
Les heile rapporten om norsk mediestøtte her
Ikkje tid til å lese heile? Les kortversjonen av rapporten om norsk mediestøtte her
Fleire tiltak skal styrke dei minste lokalavisene
Medietilsynet foreslår fleire endringar i dagens produksjonstilskottsordning for å styrke dei minste lokalavisene.
– Høgskulen i Volda har komme fram til at over 60 norske kommunar har svak eller manglande journalistisk dekning. Samtidig ser vi at dei minste avisene har mest sårbar økonomi. Derfor foreslår Medietilsynet fleire tiltak som kjem små lokalaviser til gode, seier Velsand.
Eitt av forslaga er å inkludere aviser med mellom 750 og 1000 i tal på abonnement/laussal i bestemte utkantkommunar i ordninga. Medietilsynet foreslår også at aviser med mellom 1000 og 2000 i tal på abonnement/laussal bør få om lag 200 000 kroner ekstra. Endringane har ein kostnad på elleve millionar kroner årleg.
Forslaget om å gi ei årleg støtte til Senter for undersøkande journalistikk (SUJO) på to millionar kroner, slik at senteret kan hjelpe små medium med graveprosjekt, skal også bidra til å styrke lokalavisene.
Ny støtteordning for nasjonale nisjemedium og innovasjonstilskott til fagmedium
I dag får nasjonale nisjemedium, som Dag og Tid, Morgenbladet og Medier24, støtte som følge av langvarig forvaltningspraksis. Det får dei sjølv om dei ikkje fyller kriteria i forskrifta om å ha breidde i innhaldet.
– Medietilsynet vurderer at dei nasjonale nisjemedia bidrar til mediemangfaldet ved å løfte tema og perspektiv som andre aviser i mindre grad dekker. Vi foreslår ei eiga støtteordning for nisjemedium innanfor politikk og samfunnsliv, under dette kultur og økonomi, seier Velsand. Forslaget har ingen økonomiske konsekvensar, sidan tilsynet foreslår å overføre 40 millionar kroner frå ordninga for produksjonstilskott. Det svarer til det nisjemedia får i dag.
Medietilsynet foreslår vidare endringar i dagens ordning for innovasjonsstøtte, som gjer at fleire fagmedium kan kvalifisere for støtte.
– Fagmedium som inneheld nyheits-, aktualitets- og debattstoff om politikk, økonomi eller samfunnsliv, bør kunne få støtte til innovasjons- og utviklingsprosjekt, seier Velsand. På grunn av at målgruppa blir utvida, foreslår Medietilsynet å auke innovasjonsstøtta med fem millionar til litt over 26 millionar kroner årleg.
Foreslår at støtteordninga for samiske aviser skal vere plattformnøytral
Dagens støtteordning for samiske aviser omfattar berre papiraviser, og Medietilsynet foreslår at ordninga blir plattformnøytral. Vidare foreslår tilsynet å utvide ordninga med eit særskilt tilskott til innhald på nordsamisk, i tillegg til lule- og sørsamisk, som er inkludert i dag. Endringane fører til at støtta til samiske aviser aukar med 5,2 millionar kroner til nesten 41 millionar kroner årleg.
Medietilsynet foreslår også å avvikle ordninga for distribusjonstilskott til aviser i Finnmark, og at dei 2,3 millionar kronene i ordninga blir fordelt på høvesvis produksjonstilskott og tilskott til samiske aviser.
Analysar viser at aviser i andre geografiske område har like høge distribusjonskostnader som aviser i Finnmark. Samtidig fører digitaliseringa til at talet på distribuerte papiraviseksemplar blir stadig færre. – Vi vurderer derfor at det ikkje er behov for denne tilskottsordninga, seier Velsand.
Forslaga til endringar frå Medietilsynet fører til ein samla auke på 48,7 millionar kroner i dei direkte mediestøtteordningane, slik at den årlege ramma blir på 498,3 millionar kroner.
Hovudforslaga frå Medietilsynet til endringar og nye støtteordningar
- innføre ny driftsstøtte til journalistisk produksjon i lokalradioar
- innføre eiga støtteordning for nasjonale nisjeaviser
- styrke dei minste lokalavisene gjennom endringar i ordninga for produksjonstilskott
- endre kvalifikasjonskriteria for innovasjons- og utviklingstilskott, slik at fagmedium med nyheits-, aktualitets- og debattstoff om politikk, økonomi eller samfunnsliv kan få støtte
- gjere støtta til samiske aviser plattformnøytral, og opne for støtte til innhald på nordsamisk
- avvikle ordninga med distribusjonstilskott til aviser i Finnmark.
- gi fast støtte til Senter for undersøkande journalistikk (SUJO) for å stimulere til undersøkande journalistikk i lokalaviser
Støtteordning |
Løyving 2021 |
Forslag ny løyving |
Endring |
Produksjonstilskott til nyheits- og aktualitetsmedium* |
369 559 000 |
341 952 200 |
–7,5 % |
Driftstilskott til nasjonale nisjemedium (ny) |
0 |
40 000 000 |
100 % |
Tilskott til samiske aviser |
35 738 000 |
40 916 800 |
14,5 % |
Distribusjonstilskott til aviser i Finnmark (blir avvikla) |
2 322 000 |
0 |
–100 % |
Innovasjons- og utviklingstilskott til nyheits- og aktualitetsmedium |
20 898 000 |
26 398 000 |
26,3 % |
Tilskott til lokale lyd- og bildemedium |
21 053 000 |
27 053 000 |
28,5 % |
Driftstilskott til journalistisk produksjon i lokalradio (ny) |
0 |
20 000 000 |
100 % |
Støtte til Senter for undersøkande journalistikk (SUJO) |
0 |
2 000 000 |
100 % |
Totalt |
449 570 000 |
498 320 000 |
10,8 % |
* Medietilsynet foreslår å overføre 40 millionar av produksjonstilskottet frå 2021 til ei ny driftstilskottsordning til nasjonale nisjemedium. Reell auke blir da ei pris- og lønnsjustering som svarer til 12,4 millionar kroner, eller 3,4 prosent.
Nøkkelord
Kontakter
Nina Bjerkekommunikasjonsrådgiver og pressekontakt
Tel:+47 419 34 154nina.bjerke@medietilsynet.noBilder
Om Medietilsynet
Medietilsynet skal bidra til å realisere statens mediepolitiske mål. Våre hovedoppgaver er å fremme demokrati og ytringsfrihet gjennom mediemangfold og kritisk medieforståelse. Vi veileder om barn og unges bruk av digitale medier, setter aldersgrenser for kinofilm, forvalter støtteordninger, behandler søknader om og fordeler pressestøtte og fører tilsyn med kringkasting. Tilsynet er underlagt Kulturdepartementet.
Følg pressemeldinger fra Medietilsynet
Registrer deg med din e-postadresse under for å få de nyeste sakene fra Medietilsynet på e-post fortløpende. Du kan melde deg av når som helst.
Siste pressemeldinger fra Medietilsynet
Færre brudd på reklamereglene hos norske tv-kanaler16.4.2024 06:50:00 CEST | Pressemelding
Norske tv-kanaler er blitt flinkere til å følge reklameregler. Det viser Medietilsynets store vårkontroll med TV 2, NRK, TVNorge og VGTV.
16 nye aviser søker om produksjonstilskudd15.4.2024 06:50:00 CEST | Pressemelding
174 aviser har i år søkt om produksjonstilskudd til nyhets- og aktualitetsmedier. Blant de nye søkerne er det både lokalaviser og aviser med hele landet som nedslagsfelt.
Filmdistributør får åtvaring frå Medietilsynet for feil aldersgrense12.4.2024 11:13:15 CEST | Pressemelding
Medietilsynet meiner at kinofilmen «Døde menn går på ski» hadde for låg aldersgrense og gir distributøren ei åtvaring. Grensa er no endra frå 12 til 15 år.
Medietilsynet: Nødvendig med en strategi mot desinformasjon8.4.2024 13:14:18 CEST | Pressemelding
Kunstig skapt innhold, økt politisk konflikt og rask spredning av desinformasjon i sosiale medier aktualiserer behovet for en strategi mot desinformasjon, mener direktør Mari Velsand i Medietilsynet. I helgen varslet regjeringen at det skal utvikles en slik strategi.
Forbod mot reklame i radio og tv i påska21.3.2024 06:50:00 CET | Pressemelding
Radio- og tv-kanalane har ikkje lov til å sende vanleg reklame langfredag og 1. påskedag. Mange av kringkastarane vel å gi bort reklameplassen til ideelle organisasjonar denne dagen.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom