Lovendring har gitt mindre pengespelreklame, men vi er ikkje i mål
I Noreg er det tverrpolitisk semje om ein einerettsmodell for pengespel av omsyn til sårbare spelarar. Pengespellovgivinga, som Lotteritilsynet forvaltar, forbyr å marknadsføre pengespel som ikkje har løyve i Noreg, blant anna for å verne personar som slit med problemspeling.
Likevel har vi dei siste åra sett store mengder pengespelreklame på tv-skjermane i norske heimar kvar veke, i hovudsak frå utanlandske aktørar. Pengespelreklamen har vore vanskeleg å kome til livs, fordi sendingane blir kringkasta frå andre land. Dette har norske myndigheiter ønskt å gjere noko med. Frå 1. januar 2021 fekk kringkastingslova difor ein ny regel som gjer det mogleg for Medietilsynet å pålegge norske distributørar å fjerne marknadsføringa av pengespel som ikkje har løyve i Noreg på tv og i bestillingstenester, eller å gjere tilgangen til slik marknadsføring vanskeleg.
Massive og alvorlege brot
Etter at den nye regelen i kringskastingslova kom 1. januar i fjor, kontrollerte Medietilsynet ei rekke tv-kanalar frå Discovery og Nent Group. Det blei konstatert massive og alvorlege brot på norsk pengespellovgiving hos Discoverys tv-kanalar FEM, MAX, VOX og Eurosport Norge. Medietilsynet meinte at det kunne vere grunnlag for å pålegge dei norske tv-distributørane Telenor, Telia, RiksTV, Allente (Canal Digital og Viasat) og Altibox å stoppe den utanlandske reklamen på kanalane til Discovery, og sende varsel om dette til distributørane og Discovery i fjor sommar. Medietilsynet jobbar no med å vurdere om det er grunnlag for å pålegge tv-distributørane å fjerne pengespelreklamen på tv-kanalane til Discovery, og reknar med å ha avklart dette i løpet av første kvartal i år.
Mindre pengespelreklame
Nye tal som Nielsen Media Research har utarbeidd for Medietilsynet, viser at den totale marknaden for pengespelreklame i Noreg har falle for fjerde år på rad. I perioden frå august 2020 til juli 2021 blei det blitt mindre av både utanlandsk og norsk pengespelreklame målt både i kroner og minutt. Reklamemarknaden for utanlandske pengespel fall med 35 prosent i denne perioden, mens fallet for norsk pengespelreklame var på 27 prosent. Det største fallet kom etter at lovendringa tok til å gjelde. Det ser dermed ut til at endringa har hatt effekt. At Nent Group respekterer norsk lov og stansa å sende pengespelreklame frå 2021, gir tydeleg utslag på statistikken.
Likevel er det enno ein veg å gå. Utanlandske spelselskap står framleis for 72 prosent av all pengespelreklame på norske tv-skjermar, mot 28 prosent frå norske spelselskap. Sjølv om volumet totalt er blitt mindre, er vi langt frå mål. Vi veit at mange er utolmodige og gjerne skulle ha sett at reklamen var heilt borte. Men prosessen tar dessverre tid. Discovery kunne også ha valt å respektere stortingspolitikarane sin vilje, slik Nent Group har gjort. Da ville marknadsføringspresset mot sårbare spelarar vore mindre.
Fleire aktørar var bekymra for at mindre pengespelreklame skulle redusere dei totale inntektene til kringkastarane i eit slikt omfang at det blei mindre kvalitetsinnhald til tv-sjåarane. Det tala no viser, er at samtidig som det første halvår 2021 blei investert mindre i pengespel enn halvåret før, blei det investert meir i annan tv-reklame. Totalt auka all tv-reklame retta mot nordmenn med nesten tre prosent frå august 2020 til juli 2021. Det bør derfor vere mogleg, også for Discovery, å rette seg etter norsk lov og samtidig ha inntekter nok til å produsere innhald til norske sjåarar.
Mari Velsand, direktør i Medietilsynet
Atle Hamar, direktør i Lotteri- og stiftelsestilsynet
Nøkkelord
Kontakter
Nina Bjerkekommunikasjonsrådgiver og pressekontakt
Tel:+47 419 34 154nina.bjerke@medietilsynet.noBilder
Om Medietilsynet
Medietilsynet skal bidra til å realisere statens mediepolitiske mål. Våre hovedoppgaver er å fremme demokrati og ytringsfrihet gjennom mediemangfold og kritisk medieforståelse. Vi veileder om barn og unges bruk av digitale medier, setter aldersgrenser for kinofilm, forvalter støtteordninger, behandler søknader om og fordeler pressestøtte og fører tilsyn med kringkasting. Tilsynet er underlagt Kulturdepartementet.
Følg pressemeldinger fra Medietilsynet
Registrer deg med din e-postadresse under for å få de nyeste sakene fra Medietilsynet på e-post fortløpende. Du kan melde deg av når som helst.
Siste pressemeldinger fra Medietilsynet
Frykter at usann informasjon påvirker tilliten i samfunnet7.5.2024 06:50:00 CEST | Pressemelding
Åtte av ti nordmenn er bekymret for at spredning av usann informasjon påvirker tilliten til myndighetene og mediene, viser en ny undersøkelse fra Medietilsynet.
Alle kan nominere journalister til menneskerettspris30.4.2024 06:50:00 CEST | Pressemelding
Kultur- og likestillingsdepartementets menneskerettighetspris for journalister skal igjen deles ut til en eller flere journalister som i særlig grad har satt søkelys på aktuelle menneskerettighetsspørsmål i Norge. Alle kan foreslå kandidater til prisen.
NRK får gebyr etter brudd på sponseregler29.4.2024 06:50:00 CEST | Pressemelding
NRK får et gebyr på 150 000 kroner fra Medietilsynet etter to brudd på sponsereglene. Regelbruddene skjedde i forbindelse med en dokumentar og en konsert som ble sendt på tv i desember.
Færre brudd på reklamereglene hos norske tv-kanaler16.4.2024 06:50:00 CEST | Pressemelding
Norske tv-kanaler er blitt flinkere til å følge reklameregler. Det viser Medietilsynets store vårkontroll med TV 2, NRK, TVNorge og VGTV.
16 nye aviser søker om produksjonstilskudd15.4.2024 06:50:00 CEST | Pressemelding
174 aviser har i år søkt om produksjonstilskudd til nyhets- og aktualitetsmedier. Blant de nye søkerne er det både lokalaviser og aviser med hele landet som nedslagsfelt.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom