Her fekk Statens vegvesen meir for pengane
Slik oppsummerer byggjeleiar Jørn Kristian Engebø jobben Statens vegvesen har gjort på riksveg 13 mellom Hella ferjekai og Leikanger i Sogndal kommune.
Ikkje den enklaste strekninga
For ein kontraktssum på ni millionar pluss moms har Statens vegvesen, saman med entreprenør Mesta, i haust gjort fleire tiltak som betrar trafikktilhøva på den smale, 10 kilometer lange strekninga som har ein gjennomsnittleg døgntrafikk på 750 køyretøy.
Det er ikkje den enklaste strekninga å gjera tiltak på. Det er utfordrande fjell i forhold til geologien på eine sida av vegen, og stupbratte fjell og fjorden på den andre. I tillegg skal ein gjennom Kvinafossen naturreservat.
Det byrja med TS-tiltak (TS = trafikktryggingstiltak) i form av bakkeplanering. Her fylte vi opp sideterreng i område med høgdeforskjell mellom riksveg og sideterreng, samt pigga eller sprengde vekk utstikkande bergknausar.
– Ved etablering av enkelte lommer var det utfordrande geologi. Enkelte blokker stod i fare for å gli ut. I staden for å bolta desse valde me å ta dei ned. Å fjerna slike blokker gjer det tryggare for trafikantane, samt at ein vil også spara ein del driftskostnadar i ettertid. Det skuldast at bolting ville gitt behov for tilsyn, seier Engebø.
Meir for pengane på mange måtar
Prosjektet har stått for alt av prosjektering sjølv. Ei innsparing har det også gitt at massar er gjenbrukte i prosjektet. Sett i ettertid kunne vi ha brukt endå meir av massane. Dette er noko vi tek med oss videre til andre tilsvarande prosjekt, legg han til.
Eitt døme på gjenbruket kom då vedlikehaldsavdelinga til Statens vegvesen freste Hella ferjekai. Her fekk vi spørsmål om vi kunne bruka massane opp igjen som bérelag for ny asfalt på strekninga. Dette viser godt samarbeid mellom avdelingane i Statens vegvesen, understrekar Engebø.
Eit anna døme er at ein del av massane frå prosjektet er brukt til å laga om lag 25 nye møtelommer, og til å planera bakken slik at sideterrenget vart utbetra.
Dei aller fleste møtelommene er opparbeidde på Vegvesenet sin eigen eigedom.
– Målet var at vi ikkje skulle inn i hagane til folk. Det gjer at vi har brukt veldig lite på erstatning til grunneigarar samanlikna med andre prosjekt. Godt samarbeid med entreprenør Mesta har vore ein avgjerande faktor her, seier Engebø som saman med kontrollingeniør Andrea Holsen Horstad har stått for prosjektleiinga.
Fekk gjort meir enn planlagt, fylket vil kopiera metoden
Vestland fylkeskommune har tatt kontakt, og er interessert i kopiera måten vi bygde opp denne kontrakten på. Å laga møtelommer er ein billig og god å måte å utbetra vegar på.
Undervegs i prosjektet gjorde Statens vegvesen også tiltak som eigentleg ikkje var planlagde, men som vi tok fordi vi likevel var i området.
– Mellom anna gjorde vi siktutbetring for Sogndal kommune i ein avkøyrsel, utbetra stikkrenner og etablerte rister på opne stikkrenner. Vi har også utført nokre mindre breiddeutvidingar etter innspel frå grunneigar. Det er også gjort mindre tiltak med fjerning av blokker som låg på utsida av rekkverket. Ved å fjerna desse vart sikta mykje betre. Nokre parti med utsikkande fjell vart fjerna etter innspel frå transportnæringa.
Statens vegvesen sine prosjekta her på den nordlegaste delen av Hellavegen vart ferdige innan fristen som var 1. mars.
Det står igjen asfaltering av éi lomme og noko oppussing av sideterreng. Dette vert utført i april.
– Vi er godt nøgde med å ferdigstilla eit prosjekt som har gitt betre veg til trafikantane, og at einhar fått meir igjen for pengane gjennom eit av våre toppmål: Nytta skal opp, og kostnadane ned, avsluttar byggjeleiar Jørn Kristian Engebø i Statens vegvesen.
Nøkkelord
Kontakter
Jørn Kristian EngebøStatens vegvesen Plan og utbygging
Tel:95191891jorn.engebo@vegvesen.noLars Olve HesjedalKommunikasjonsrådgjevar, Drift og vedlikeholdStatens vegvesen Drift og vedlikehold
Tel:+4795245839lars.olve.hesjedal@vegvesen.noBilder
Om Statens vegvesen
Statens vegvesen arbeider for å skape et smart og sammenhengende transportsystem på vei for hele Norge. Det skal være enkelt å reise og transportere varer – på sikre veier tilpasset framtidens behov.
Følg pressemeldinger fra Statens vegvesen
Registrer deg med din e-postadresse under for å få de nyeste sakene fra Statens vegvesen på e-post fortløpende. Du kan melde deg av når som helst.
Siste pressemeldinger fra Statens vegvesen
El-brøyting blir en del av konkurransen om mer klimavennlig vegdrift14.5.2024 11:59:51 CEST | Pressemelding
Elektriske kjøretøy kan brukes til brøyting uten at det er behov for flere kjøretøy eller at kvaliteten på brøytingen blir dårligere.
Bedre toalett og bobiltømming på Heia14.5.2024 08:26:38 CEST | Pressemelding
Rasteplass-toalettet som ble bygd ved E6 på Heia i Troms for seks år siden, har vært mye ute av drift. Nå har Statens vegvesen tatt grep.
Nå kan det bli redusert fremkommelighet i Giæverbukta10.5.2024 15:57:40 CEST | Pressemelding
Det skal bygges en støttemur langs Erling Kjeldsens, og trafikken i Giæverbukta kan bli påvirket av anleggsarbeidet.
Sesongstart på MC: Fire dødsulykker allerede i år8.5.2024 19:12:52 CEST | Pressemelding
Mange ser frem til MC- sesongen og gleder seg over endelig å kunne ferdes på to hjul igjen. Med fire omkomne allerede i starten av mai, er Vegvesenet bekymret.
Statens vegvesen har halvert CO2-utslippene fra asfalt siden 20208.5.2024 13:00:00 CEST | Pressemelding
Norge er allerede verdensmester i å asfaltere med lave klimautslipp. Og i år blir asfalten enda grønnere.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom