Ny rapport viser ekstrem auke i rikdom

Oxfam la måndag fram sin årlege rapport om globale forskjellar. I rapporten viser dei mellom anna at:

• Dei rikaste aukar no sin formue fortare enn nokon gong, og dette er ein trussel mot demokratiet
• Etter at Trump blei president for andre gong, har dei superrike blitt enno meir superrike. I 2025 auka formuen til dollarmilliardærar 3 gongar fortare enn den gjorde i snitt i femårsperioden før
• Dollarmilliardærar har 4000 gongar så stor sjanse for å bli folkevalte som vanlege folk
• Dei rikaste kontrollerer teknologien vår. Kvar dag bruker verda tid tilsvarande 100 millionar år på sosiale media eigd av milliardærar 

Internasjonal rådgivar i Tankesmien Agenda og forfattar av boka Farlege forskjellar, Trine Østereng, ser djupt alvorleg på forskjellsutviklinga:

Vi treng langt fleire tiltak for å få forskjellane ned, både for å redde demokratiet og for å få eit betre samfunn. Eg meiner vi bør få ein forskjellskommisjon, som kan lage forslag for å få forskjellane ned og forsikre oss mot demokratisk forvitring.

Oxfam er ein global organisasjon som jobbar for å kjempe mot fattigdom og for rettferd over heile verda.