TINE Meieriet Setesdal mottek pris

-Vi er opptekne av at meieriet her på Byglandsfjord skal vere ein trygg og god arbeidsplass, der dei tilsette i stor grad får bidra til utvikling av både produkt og prosessar. I tillegg til at vi produserer godt og stadig utviklar nye produkt, er vi stolte av godt arbeidsmiljø med særs lågtnivå på skader og sjukefråver, seier meierisjef Tor Kåre Helland. 

Dagleg leiarTor Kåre Helland starta ved meieriet i 1998. Frå 1999 har meieriet vore ein nisjeprodusent med produksjon av Kviteseidsmør. I 2001 blei også produksjonen av Ryfylkegome flytta hit. I dag produserer meieriet alt av nisjesmør for TINE, og i ein test i TV2, ble Kviteseidsmør og Setesdalssmør kåra til Noregs beste. 

I tillegg til produksjon av Kviteseidsmør og Setesdalssmør, produserer også meieriet økologisk Setesdalsmør, Brimismør, økologisk smør, geitesmør, kryddersmør, Ryfylkegome og rømmegraut. Til saman produserer det lokalemeieriet rundt 500 tonn per år. 

Innovativ og lønnsam lokalbedrift
-Meieriet er ein særs viktig aktør i Setesdal, både som arbeidsplass og lokal næringsutviklar. Dagleg leiar har heilt frå han blei tilsett, vore ei viktig drivkraft i vidareutvikling og nyskaping ved meieriet. Det er ikkje opplagt at dette meieriet, som er det minste av TINE sine meieri, skal bli oppretthalde. Det arbeidet som er gjort for å vere innovativ og marknadsorientert, vert vurdert som avgjerande for at meieriet er der og at det har ein solid posisjon både internt i TINE og ikkje minst i regionen, seier Sveinung Hovstad i Innovasjon Noreg 

- Meieriet har fått god støtte frå Innovasjon Noreg, Setesdal Regionråd og Bygland kommune til mange av dei større prosjekta. Dei viser med handling at dei ønskjer å ha oss, og det syns vi er flott. Det gir ein god følelse når vi veit at lokalmiljøet ønskjer å behalde oss. Vi ser lyst på framtida, og vi skal vera eit ”plussprosjekt.” Vi vil fortsette med å lage spesielle produkt, samstundes som vi er opptatt av å få jobbar for å kunne behalde verksemda, seier Helland. 

Og omsetninga går bra viser talla. Frå 2016 til 2017 har omsetningaauka, og det vert rekna med vidare vekst på fem prosent frå 2017 til 2018.  

Berekraft i fokus
Meieriet nyttar  lokale råvarer dersom det er mogeleg,  slik som mjølk til Ryfylkegome og rømmegraut. I tillegg mottek meieriet 1,3 millionar liter fløte frå andre meierianlegg.  Anlegget avslutta bruk av fossilt brensel i 2010. Alt avfall blir i dag kildesortert og levert til godkjent mottak. Avløpsmengda til vatn er også betydeleg redusert dei siste åra, og blir reinsa til rundt 90 prosent før det blir pumpa til kommunalt reinseanlegg. 

-Vi ønsker å tildele prisen til deitilsette, med meieristyrar Tor Kåre Helland i spissen. Å drive lønsamt med stadig nye produkt er utfordrande for eit lite anlegg. Utan kompetente og entusiastiske tilsette og solid satsing på medarbeidardreven innovasjon, hadde ikkje dette vore mogeleg, avsluttar Sveinung Hovstad i Innovasjon Noreg 

Fakta om bedriftsutviklingsprisen i landbruket: 

• Innovasjon Norge deler kvart år ut bedriftsutviklingsprisen i landbruket på oppdrag frå Landbruks- og matdepartementet.   
• Det er ein bedrifts- og næringsutviklingspris for dei som har etablert ein vellykka bedrift eller næring med basis i bygdenes og landbrukets ressursar.   
• Det vert kåra ein vinnar i kvart fylke som får 50 000 kroner.  
• Dei fylkesvise vinnarane deltar så i den nasjonale konkurransen om 250 000 kroner.   
• Den nasjonale prisen vil bli delt ut under InternationaleGrüne Woche i Berlin i januar 2019.  

Juryen har bestått av: 

Tore Haugum, landbruksdirektør hos Fylkesmannen i Aust- og Vest-Agder 

Gro Anita Mykjåland, ordførar i Iveland 

Finn Aasheim, leiar av Bondelaget sitt Agderkontor 

Marit Gunn Tveit, nestleiar i Aust-Agder bondelag 

Sveinung Hovstad, direktør for Innovasjon Norge Agder

 

Pressa er velkommen til utdelingapå Revsnes Hotell måndag 12.november, etter omvising på meierianlegget på Byglandsfjord klokka 13.00.