Ikkje løyve til Kilåi kraftverk

Skagerak Kraft AS har søkt NVE om løyve til å nytte eit fall i Kilåi mellom Saurvatn på kote 468 og kraftstasjonen på kote 333. Kraftverket var planlagt med ein installert effekt på 0,99 MW og ville gje ein årleg produksjon på 5,3 GWh. Dette svarar til straumbruken til 265 husstandar.

Kilåi er varig verna etter verneplan IV. Verneverdiane er knytt til at vassdraget er urørt av kraftutbyggingar, og inngrep i form av kraftutbygging vil etter NVEs vurdering påverke desse verneverdiane. NVE kan ifølge vassressurslova § 35, 1. ledd, post 5 ikkje gje løyve til kraftverk som har negative verknader for verneverdiane, og søknaden om Kilåi kraftverk er difor avslått.

Les meir om Kilåi kraftverk på www.nve.no

Kontaktpersonar:
Seksjonssjef Øystein Grundt, tlf. 22 95 93 89
Seniorrådgjevar Lars Midttun, tlf. 22 95 91 77