NVE gir løyve til Kvitno kraftverk og avslår løyve til Bondhus kraftverk i Hordaland

Bondhus kraftverk i Bondhuselva er planlagt med ein installert effekt på 3,9 MW og ein årleg produksjon på om lag 15,4 GWh. Øvre del av Bondhusdalen er verna som landskapsvernområde og utbyggingsområdet har stor verdi i forhold til landskap, friluftsliv og reiseliv. NVE meinar ei utbygging vil medføre betydelege negative konsekvensar for desse interessene. I tillegg vil kraftverket påverke det biologiske mangfaldet og utgjere ein trussel mot vasshalemose som har status som sterkt trua i den nasjonale Raudlista. Dei negative konsekvensane står etter NVE sitt syn ikkje i forhold til auka kraftproduksjon eller andre positive effektar av ei utbygging. NVE vurderar utbyggingsplanane til ikkje å vere akseptable i høve til allmenne interesser, og gir difor ikkje løyve til bygging av Bondhus kraftverk.

Kvitno kraftverk i Kvitnoelva er planlagt med ein installert effekt på 9 MW og ein årleg produksjon på om lag 28,2 GWh, noko som svarar til straumbruken til rundt 1400 husstandar. Utbygginga vil samstundes medføre negative verknader for landskap, friluftsliv og reiseliv, og føre til tap av inngrepsfrie naturområde. NVE meiner likevel det vil vere mulig å avbøte ein del av dei negative verknadene ved slepp av tilstrekkeleg minstevassføring, særleg om sommaren når bruken av området er størst, og gjennom miljøtilpassing av dei planlagde inngrepa. NVE vurderer nytten av tiltaket som større enn skadane og ulempene for private og allmenne interesser, og gir difor løyve til bygging av Kvitno kraftverk på fastsette vilkår.

Les meir om sakene på www.nve.no/Vannkraft  

Kontaktpersonar
Avdelingsdirektør Rune Flatby, mobil 416 78 203.
Seksjonssjef Øystein Grundt, tlf. 22 95 93 89, mobil 901 98 216.