Tore Renberg og Beharie kjem til studiestart på UiS

I år er det Stavanger-forfattar Tore Renberg som skal halde hovudtala til studentane og lose oss gjennom seremonien.

Rektor Klaus Mohn og varaordførar Dag Mossige er på plass for å helse studentane velkommen til UiS og Stavanger.

Nyvald leiar i Studentorganisasjonen i Stavanger, Sara Beitz, og leiar for Fadderfestivalen, Alva Eide, kjem for å fortelle korleis studentane kan engasjere seg og skape eit godt og inkluderande studentmiljø.

Universitetsfondets pris for formidling og samfunnsengasjement skal òg delast ut av Universitetsfondets leier Cecilie Claviez.

Undervegs vil Stavanger studentsangforening by på musikalske innslag og sprell.

Beharie er årets artist under semesteropninga. Spellemannvinnaren frå Sandnes er på full fart opp og fram og vert kalla soulens nye stjerneskott.

Arrangementet går føre seg på fadderområdet bak Hagbard Lines hus, på austsida av campus Ullandhaug. Området opner klokka 11.30 og arrangementet startar kl 12.