NVE har kartlagt risiko for kvikkleireskred i kommunane Molde og Rauma i Møre og Romsdal

- Rapportane vil vere til stor nytte i arealplanarbeidet og gi eit godt grunnlag for å redusere faren for områdeskred i dei kartlagde kommunane, seier regionsjef i NVE Region Vest, Siss-May Edvardsen.

Grunnlaget for kvikkleiresonene er kart- og terrenganalysar, synfaringar i felt og grunnundersøkingar. Karta er produsert i digital form og inngår i det offentlege kartgrunnlaget (DOK), slik at kommunane og andre kan nytte dei i eigne verktøy saman med anna kartdata. Dessutan er det laga ei eiga kartløysing for «aktsemdskart for områdeskred» for kommunane.

Vi gjer merksam på at oversiktskartlegginga ikkje er ei utfyllande kartlegging for alle område der kvikkleire vert påvist, og at kartlegginga har hatt fokus på eksisterande busetnad og moglege kjelder for erosjon. I område under marin grense (tidlegare havnivå) kan kvikkleire vere til stades utanom dei kartlagde faresonene, i større område eller i avgrensa lommer.

Rapport og kart

Kartframstilling av soner med kvikkleire:
For Rauma: https://temakart.nve.no/link/?p=rauma

For Molde: https://temakart.nve.no/link/?p=molde

Rapport: Oversiktskartlegging kvikkleire, Molde kommune
Rapport: Oversiktskartlegging kvikkleire, Rauma kommune