Jotunheimen sitt nye besøkssenter til Luster

– Fortun Bygdalag er den aktøren som tilbyr den beste løysinga for eit besøkssenter for å ta imot besøkjande frå vestsida av Jotunheimen nasjonalpark, seier Ellen Hambro, direktør for Miljødirektoratet.
I statsbudsjettet for 2023 gav regjeringa 1 500 000 kroner til etablering av eit besøkssenter på vestsida av Jotunheimen. Etter ei grundig vurdering av tre gode søkjarar har Miljødirektoratet vald å autorisere Fortun Bygdalag som besøkssenter for Jotunheimen og Breheimen nasjonalparkar. Senteret si nærleik til Breheimen nasjonalpark gjer det naturleg at Fortun Bygdalag også får informasjonsansvar for Breheimen nasjonalpark.
Fortun Bygdalag blir det 39. autoriserte besøkssenteret i Noreg.
Varetek villreinen
Eit besøkssenter for nasjonalpark skal spreie kunnskap og bidra til auka merksemd om natur, verneområde og friluftsliv. Besøkssenteret skal vere ein attraktiv plass å besøkje for å få informasjon om nasjonalparken, og bidra til berekraftig bruk av nasjonalparkar, annan natur og til friluftsliv.
– Ein av dei mest sårbare verneverdiane i Jotunheimen nasjonalpark er villreinen som er ramma av ferdsel og forstyrringar. Vi har difor særleg lagt vekt på samarbeidet til søkjaren med lokale aktørar og miljø som aktivt vil arbeide for at natur, villrein og tindesport skal fungere saman i nasjonalparken og randsonene, på premissane til villreinen, seier Hambro.
Fortun Bygdalag ønskjer å informere og spreie kunnskap om natur, kulturarv og vern med grunnlag i tre lokale og naturgitte tema: villrein og fangstkultur, historiske handels- og pilegrimsvegar og tindesport i Hurrungane.
– Fokuset i formidlinga ved senteret vil vere eit viktig verktøy for forvaltinga av Jotunheimen nasjonalpark og for å ta vare på villreinstammen i Jotunheimen, påpeikar Hambro.
Populært turområde
Lokaliseringa på besøkssenteret ved Sognefjellsvegen og Hurrungane, eit område som er særleg attraktivt for toppturaktivitet, gir eit høgt besøksgrunnlag og er dirfor best eigna til å medverke til å ta vare på naturverdiane i nasjonalparken og randsona.
– Fortun er eit populært utgangspunkt for turar i Jotunheimen nasjonalpark og i randsona, og det er viktig for nasjonalparkforvaltinga å nå desse besøkjande med informasjon før dei bevegar seg inn i eit sårbart område, seier Hambro.
Besøkssenteret vil også vere ein naturleg møtestad for bygdefolket heile året.
– Vi har vektlagt at Fortun Bygdalag har bygg og uteområde som eignar seg godt til formålet, vil ha heilårsdrift og kan opne senteret til sommarsesongen 2024, avsluttar Hambro.
Nøkkelord
Kontakter
PressevaktPressevakta svarer på førespurnader frå pressa mandag til fredag
Bemanna mellom klokka 8 og 15.45 frå 15. september til 14. mai, mellom klokka 8 og 15 frå 15. mai til 14. september.
Bilder

Om Miljødirektoratet
Miljødirektoratet jobber for et rent og rikt miljø
Våre hovedoppgaver er å redusere utslipp av klimagasser, forvalte norsk natur og hindre forurensning. Vi er et statlig forvaltningsorgan underlagt Klima- og miljødepartementet. Vi har i underkant av 700 ansatte ved våre to kontorer i Trondheim og Oslo, og ved Statens naturoppsyn (SNO) sine lokalkontor.
Følg pressemeldinger fra Miljødirektoratet
Registrer deg med din e-postadresse under for å få de nyeste sakene fra Miljødirektoratet på e-post fortløpende. Du kan melde deg av når som helst.
Siste pressemeldinger fra Miljødirektoratet
Storstilt klimamobilisering må til2.6.2023 09:00:00 CEST | Pressemelding
Miljødirektoratet har utredet 85 klimatiltak som gjør det mulig å nå Norges klimamål. Det er behov for flere virkemidler for å utløse utslippskuttene.
Reinheimen sitt nye besøkssenter til Åndalsnes1.6.2023 10:01:26 CEST | Pressemelding
Miljødirektoratet har vald å autorisere Norsk Tindesenter på Åndalsnes som besøkssenter for Reinheimen nasjonalpark. (nynorsk)
Reinheimens nye besøkssenter til Åndalsnes1.6.2023 09:59:51 CEST | Pressemelding
Miljødirektoratet har valgt å autorisere Norsk Tindesenter på Åndalsnes som besøkssenter for Reinheimen nasjonalpark. (bokmål)
Jotunheimens nye besøkssenter til Luster25.5.2023 10:38:29 CEST | Pressemelding
Miljødirektoratet har valgt Fortun Bygdalag i Luster kommune som autorisert besøkssenter for Jotunheimen nasjonalpark. (bokmål)
Luftkvalitet 2022: Kommuner hadde for mye svevestøv25.5.2023 08:00:00 CEST | Pressemelding
Fem kommuner brøt de nye grenseverdiene for svevestøv i fjor. Økende veitrafikk er en av flere grunner til at arbeidet mot luftforurensning må fortsette.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom