Her, og ved to andre E134-tunnelar, skal Statens vegvesen oppgradera rekkverk før sommaren
Arendal-firmaet Veisikring AS er innstilt til å få kontrakten, i konkurranse med fem andre.
Dei som levert tilbod, er (og alle prisane er eksklusive moms):
Tilbydar: | Tilbodssum ekskl. mva: |
Veisikring AS frå Arendal | 3.892.625,00 |
Trygg Vei AS frå Solbergelva | 4.484.397,00 |
Arvid Gjerde AS frå Innfjorden | 4.878.038,55 |
SVB Veisikring AS frå Tonstad | 5.544.675,00 |
Mesta AS | 5.580.397,14 |
Sigurd M Søvik AS frå Skjoldastraumen | 5.999.985,00 |
Karensfristen er på ti dagar. Arbeidet startar så snart som mogleg etter signering, og skal etter planen vera ferdig til 29. juni.
Ønsker å verta ferdige til fellesferien
– Det vi heilt konkret skal gjera, er å oppgradera rekkverka våre på E134 langs Åkrafjorden. Vi skal montera godkjende endar på alle eksisterande rekkverk langs vegstrekninga på 29 kilometer. I tillegg skal vi ta bort eksisterande rekkverk og montera nytt, godkjent rekkverk i portalane i tre tunnelar på europavegen i Etne kommune: Markhus- (2409 meter), Glymje- (818 meter) og Langfosstunnelen (728 meter), seier byggeleiar Einar Hauge i Statens vegvesen.
Det er viktig å understreka at eksisterande rekkverk ikkje utgjer noka trafikkfare, men vi er nøydde til å oppgradera rekkverka til eksisterande regelverk. Dette er eit arbeid vi ønsker å ha ferdig til fellesferien, legg han til.
– Vi gjer det for trafikantane
Det vil verta noko trafikkdirigering, men inga stenging av vegen medan arbeida føregår.
– Statens vegvesen har forståing for at vegarbeid som innebér venting kan vera krevjande for trafikantane, men då er det viktig å minna om at vi gjer det nettopp for dei, for at vegen skal kunna utføra sitt samfunnsoppdrag som ein trygg og trafikksikker veg med høg oppetid også i morgon. Og det er nettopp det drift og vedlikehald av vegnettet handlar om. Drift er å halda vegen open i dag, vedlikehald er å sørga for at vi klarar det i morgon. Gode og oppgraderte rekkverk er ein del av dette.
Den aktuelle strekninga vert gjennomsnittleg trafikkert av om lag 2.000 køyretøy i døgeret. Det er dette som vert kalla årsdøgntrafikk (ÅDT). Av dette er 25 prosent, eller 500, lange køyretøy, altså tungtrafikk.
– Noko av det finaste vi kan gjera
Byggeleiar Einar Hauge i Statens vegvesen oppsummerer:
– Noko av det finaste vi kan gjera, både for samfunnet og klimaet, er å ta vare på det vi har. Denne kontrakten går rett inn i kjernen på mykje av det Statens vegvesens drift og vedlikehald av vegnettet handlar om.
Denne vedlikehaldskontrakten er eit døme på at Statens vegvsen stadig gjer tiltak ute på vegane for å betra tryggleiken for trafikantene.
– Kvar for seg er tiltaka kanskje ikkje så synlege, og dei er heller ikke dei mest kostbare, men over tid bidreg dei til å redusera risikoen for ulukker og alvorlege hendingar, eller minska skadane når ei ulukke har skjedd, i tråd med vår nullvisjon for drepne og hardt skadde i trafikken.
Nøkkelord
Kontakter
Einar HaugeByggeleiarStatens vegvesen Drift og vedlikehold
Tel:45631077hauge.einar@vegvesen.noLars Olve HesjedalKommunikasjonsrådgjevarStatens vegvesen Drift og vedlikehold
Tel:+4795245839lars.olve.hesjedal@vegvesen.noBilder
Om Statens vegvesen
Statens vegvesen arbeider for å skape et smart og sammenhengende transportsystem på vei for hele Norge. Det skal være enkelt å reise og transportere varer – på sikre veier tilpasset framtidens behov.
Følg pressemeldinger fra Statens vegvesen
Registrer deg med din e-postadresse under for å få de nyeste sakene fra Statens vegvesen på e-post fortløpende. Du kan melde deg av når som helst.
Siste pressemeldinger fra Statens vegvesen
Gjennomslag i den første av fire tunnelar på nytt Sotrasamband25.4.2024 10:37:57 CEST | Pressemelding
10 månader etter at første salve ble avfyrt på vestsida av Kolltveit er det lys i begge endar av dei to løpa på Kolltveittunnelen.
Vegvesenet går for forenklet Strandlokk25.4.2024 09:07:04 CEST | Pressemelding
Statens vegvesen har oversendt endret planforslag til Bærum kommune. Løsningen innebærer et forenklet lokk ved Strand.
389 passasjerer registrert uten sikkerhetsbelte i buss24.4.2024 11:17:11 CEST | Pressemelding
Totalt ble 4827 busspassasjerer kontrollert for bruk av belte i buss da Statens vegvesen gjennomførte landsdekkende kontroller sist uke.
Signerte kontrakt på siste strekning av E39 Betna-Stormyra23.4.2024 11:21:40 CEST | Pressemelding
Statens vegvesen og entreprenøren Bertelsen og Garpestad AS signerte mandag kontrakt på bygging av ny E39 mellom Stormyra og Staurset i Heim kommune.
Stenger sørgående løp i Glaskartunnelen neste helg22.4.2024 14:34:34 CEST | Pressemelding
Sørgående løp på E39 (mot Bergen) bli stengt helgen 3.- 6. mai, i forbindelse med oppgradering av Glaskartunnelen. Vegen skal graves opp, og Vegvesenet oppfordrer folk i nærområdet til å unngå kjøring og heller bruke kollektiv eller sykkel denne helgen.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom