Grappa Musikkforlag AS

Helga Myhr med særprega og utforskande bestillingsverk

Del
Helga Myhr er ein ettertrakta hardingfelespelar og songar. Ho har medverka i fleire samansetningar og innanfor mange ulike sjangrar. Gjennom dette verket, som originalt vart skrive til Osafestivalen 2020, kombinerar ho si forankring i tradisjonsmusikken frå Hallingdal med sitt særprega utforskande uttrykk. På denne utgjevinga møtes musikk og visuell kunst i ein praktfull vinyl, utforma av den prisbelønte kunstnaren Solveig Lønseth.
Helga Myhr. Foto: Signe Fuglesteg Luksengard.
Helga Myhr. Foto: Signe Fuglesteg Luksengard.

Helga Myhr: "Andsyning"

Album ute 07.10.2022

Høyr 'Andsyning' her 

Helga Myhr har gjennom heile oppveksten hatt folkemusikken med seg. I dag ligg spesielt slåttespelet hennar hjarte nært. Slåttespelet ber preg av mange «lag» beståande av til dømes strøk, melodi, rytme, ornament og tonalitet, som ein kan variere over og som stadig nye generasjonar har foredla: «Slåttespelet inneheld uendelege moglegheiter, og det er desse moglegheitene eg har latt meg inspirere av når den nye musikken skulle skapast. For den som kjenner slåttemusikken godt, kan ein kanskje høyre kva for låttar eller «lag» eg har nytta, medan andre gonger er dette meir subtilt.» - Helga Myhr 

I tillegg inneheld tre av låtane dikt av Margit Lappegard (1918-2011) frå Leveld i Ål i Hallingdal. Lappegard var ein folkekjær diktar som fekk stor merksemd for diktsamlinga «Noko vil alltid lysa» (fyrste gong utgitt i 1988).

Ordet Andsyning kan ein finne i boka «Ord, uttrykk og inntrykk frå Hallingdal og Valdres» (Boksmia, 2002). Denne boka inneheld Ivar Aasen sine samlingar frå reiser til Hallingdal og Valdres frå 1845 og framover. Ordet er samansett av «and», som betyr i mot eller motsatt, og «syning» som kan bety horisont, å vise fram eller forekomst av noko som viser seg. Altså å sjå eller vise noko frå motsatt horisont.

Musikken er direkte skrive for dei eineståande musikarane som bidreg på plata. Dei har i stor grad, med sine særprega musikalske og kreative eigenskapar, satt sitt preg på korleis musikken høyres ut: «Malin Alander har ei stor stemme som ho kan forme og strekke fantastisk langt, Adrian Myhr har ein varm bassklang, med sine vakre og snirklete melodiliner, Michaela Antalová har ein nydeleg groove til slåttespelet, og bidreg med lekre toner på seljefløyta, multiinstrumentalist Rasmus Kjorstad tilfører viktige klangvariasjonar og smakfulle bidrag på langeleik, fele, oktavfele og munnharpe.» - Helga Myhr. 

Musikken er omslutta av eit nydeleg og spesielt kunstverk av Solveig Lønseth. LP-en og omslaget er direkte prega av hennar oppleving av Andsyning, og er eit resultat av Lønseth si eineståande evne til å skape noko som gir oss ei oppleving av å vera til stade her og no. Dette skriv blant anna Lønseth om musikken:

«Då eg lytta til Andsyning for fyrste gong, fortona lydane seg med ein gong som visualiserte erindringar for meg. Det var som eg kunne sjå musikken. Ei syning rett og slett - veldig og skulpturell med fleire lag av liv. Musikken tok meg ut til ein tømmerstokk på duvande hav. Delt horisontalt mellom to verdar; den eine lengda i si endelause klårheit av luft og ljos. Den andre motsatsen i kompakt blaute - vendt nedover mot mytisk mørke og djup gradient. Trass i den horisontale inndelinga, må eigenråda i virke bryte av for bølga, og manøvrere i æva kring si eiga kjerne. Slik blir ei mekling framført mellom motsatsar av sanningane våre – opp og ned, att og fram, hit og dit, før og no.» - Solveig Lønseth 

Helga Myhr sitt soloalbum «Natten veller seg ut», vart slept hausten 2019 på Motvind Records, og mottok nominasjon til Spellemannprisen. Myhr spelar i fleire i grupper og ensemble blant anna i bandet Morgonrode som mottok Spellemannprisen i 2019. I tillegg er ho fast medlem i Kvedarkvintetten, Dei kjenslevare og i duo saman med Tanja Orning. 

Medverkande:
Helga Myhr: komponist, produsent, hardingfele, song
Adrian Fiskum Myhr: kontrabass
Malin Alander: song
Rasmus Kjorstad: feler, langeleik, munnharpe
Michaela Antalová; perkusjon, seljefløyte.
Opptak: Stein David Baastad og Magnus Skavhaug Nergaard
Miks: Bård Ingebrigtsen
Master: Helge Sten

Album release: 07.10.2022
Artist: Helga Myhr
Tittel: Andsyning
Katalognummer: HO7379
Plateselskap: Heilo

Nøkkelord

Kontakter

Bilder

Helga Myhr. Foto: Signe Fuglesteg Luksengard.
Helga Myhr. Foto: Signe Fuglesteg Luksengard.
Last ned bilde
Cover: Helga Myhr - Andsyning. Cover design: Solveig Lønseth.
Cover: Helga Myhr - Andsyning. Cover design: Solveig Lønseth.
Last ned bilde
Vinylcover: Helga Myhr - Andsyning. Design: Solveig Lønseth.
Vinylcover: Helga Myhr - Andsyning. Design: Solveig Lønseth.
Last ned bilde
Vinylcover: Helga Myhr - Andsyning. Design: Solveig Lønseth.
Vinylcover: Helga Myhr - Andsyning. Design: Solveig Lønseth.
Last ned bilde
Vinylcover: Helga Myhr - Andsyning. Design: Solveig Lønseth.
Vinylcover: Helga Myhr - Andsyning. Design: Solveig Lønseth.
Last ned bilde
Helga Myhr. Foto: Signe Fuglesteg Luksengard.
Helga Myhr. Foto: Signe Fuglesteg Luksengard.
Last ned bilde
Helga Myhr. Foto: Signe Fuglesteg Luksengard.
Helga Myhr. Foto: Signe Fuglesteg Luksengard.
Last ned bilde

Lenker

Om Grappa Musikkforlag AS

Grappa Musikkforlag AS
Grappa Musikkforlag AS
Akersgata 7
0158 Oslo

23 35 80 00http://www.grappa.no/no

Grappa Musikkforlag A/S ble etablert i 1983 og er et av Norges største uavhengige plateselskap. I år 2023 har Grappa 40 års jubileum. 

Grappa Musikkforlag har gitt ut over fire tusen album spredt på ulike labler. Foruten Grappa som favner viser og pop, så utgis klassisk musikk på Simax Classics, folkemusikk og verdensmusikk på Heilo, blues og country på Blue Mood og jazz på Hubro.

Grappa samarbeider med Egmont Kids Media Nordic AS om utgivelse av barnemusikk gjennom Barneselskapet. Grappa samarbeider med Norsk Jazzforum om innspilling og utgivelse av norsk jazz på Odin. Grappa har også et tett samarbeide med Rune Grammofon og Drabant Music.

Følg pressemeldinger fra Grappa Musikkforlag AS

Registrer deg med din e-postadresse under for å få de nyeste sakene fra Grappa Musikkforlag AS på e-post fortløpende. Du kan melde deg av når som helst.

Siste pressemeldinger fra Grappa Musikkforlag AS

I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.

Besøk vårt presserom
HiddenA line styled icon from Orion Icon Library.Eye