Løyve til to vindkraftverk i Gjesdal kommune

Skurvenuten vindkraftverk vil ha ein årleg kraftproduksjon på omlag 20 GWh og Tindafjellet vindkraftverk ein årleg produksjon på omlag 30 GWh. Til saman svarar dette til straumforbruket til rundt 3000 husstandar. Den planlagde utbygginga inngår i Asko sin ambisjon om å bli sjølvforsynt med fornybar energi.

Etter NVEs vurdering er dei samla fordelane ved kvart av dei to anlegga større enn ulempene dei medfører. NVE har vektlagt at det er gode vindforhold i planområda, og at dei to prosjekta vil bidra til at Noreg kan oppfylle politiske målsettingar om auka satsing på fornybar kraftproduksjon. Det er gitt konsesjon til ein installert effekt på inntil 10 MW i kvart av prosjekta.  

Skurvenuten vindkraftverk

Dei viktigaste negative verknadene av Skurvenuten vindkraftverk er etter NVEs vurdering knytt til landskap, friluftsliv og fugl. NVE har lagt vekt på at anlegget er lite samanlikna med andre vindkraftprosjekt i Noreg, og meiner difor at desse ulempene ikkje er større enn fordelane ved ei utbygging. NVE har fastsett ei rekkje vilkår til konsesjonen, mellom anna krav til avbøtande tiltak for kulturminner, maksimalt støynivå og utarbeiding av ein miljø-, transport og anleggsplan.

Tindafjellet vindkraftverk

Dei viktigaste negative verknadene av Tindafjellet vindkraftverk er etter NVEs vurdering knytt til landskap, friluftsliv og fugl. NVE har lagt vekt på at anlegget er lite samanlikna med andre vindkraftprosjekt i Noreg, og meiner difor at desse ulempene ikkje er større enn fordelane ved ei utbygging. NVE har fastsett ei rekkje vilkår til konsesjonen, mellom anna krav til maksimalt omfang av skyggekast, maksimalt støynivå og utarbeiding av ein miljø-, transport og anleggsplan.

Konsesjonsdokumenta og notatane Bakgrunn for vedtak for dei to prosjekta er tilgjengeleg på NVEs nettside: www.nve.no/vindkraft.    

Kontaktpersonar:
Avdelingsdirektør Rune Flatby, tlf. 22 95 90 88
Seksjonssjef Arne Olsen, tlf. 22 95 90 38 / 915 48 387
Kommuniikasjonsrådgiver Arne Søiland. tlf 40 21 01 50