Folkemøte om Storehei, Oddeheia og Bjelkeberget vindkraftverk med tilhøyrande nettilknyting i Birkenes kommune

NVE har motteke konsesjonssøknad  med konsekvensutgreiing for Storehei, Oddeheia og Bjelkeberget vindkraftverk i Birkenes kommune i Aust-Agder. Det vert samstundes søkt om oreigningsløyve i medhald av oreigningslova for nødvendig grunn og rett til bygging og drift.

Vindkraftverket er  planlagt med 57 vindturbinar med ein storleik på omlag 3 MW per turbin. Dette vil gi ein samla installert effekt på inntil 200 MW. Anlegget er planlagt lokalisert midt i kommunen og nord for kommunesenteret Birkeland. Vindkraftverket er fordelt på tre delområder og vil samla utgjere omlag 25 km². Nettilknytinga og utbygginga er nærare spesifisert i søknaden.

På møtet vil NVE orientere om den formelle sakshandsaminga av søknaden, og tiltakshavar vil orientere om prosjektet.

Konsesjonssøknad  med konsekvensutgreiing er lagt ut på høyring og er lagt ut til offentleg gjennomsyn i kommunen. Søknaden er også tilgjengeleg på NVEs nettstad.

Fråsegn kan sendast til NVE:

• på e-post til nve@nve.no
• per post til: NVE, Postboks 5091 Majorstua, 0301 Oslo.
• via nettskjema på NVEs nettstad

Høyringsfrist er 15. september 2013

Kontaktpersonar:
Overingeniør Hilde Aass på tlf. 22 95 98 85.
Seksjonssjef Arne Olsen, 22 95 92 27 eller 915 48 387