Pelicot-rettssaka som teater opnar Heddadagane

PELICOT-RETTSSAKA
av Milo Rau & Servane Dècle
Det Norske Teatret i samarbeid med Festspillene i Bergen
I KVELD, MÅNDAG 8. JUNI KL. 18.00
HOVUDSCENEN

Framsyninga er basert på vitnefråsegner, notat og artiklar frå rettssaka som rysta verda da den gjekk for opne dører i 2024. "Skamma må byte side", var bodskapen til Gisèle Pelicot, som blei valdteken av sin eigen mann og ei rekkje andre menn gjennom 10 år.

Oppsetjinga i Johanneskirken i Bergen har gjort inntrykk både på publikum og kritikarar.
- Gjennom Pelicot-rettssaka er det oss sjølve og samfunnet vårt som står for retten, seier regissør Milo Rau, som med dette stykket ønskjer å tvinge samfunnet til å konfrontere patriarkalsk vald, offerklandring og ansvarsfråskriving.

I samband med at framsyninga blir vist i Oslo og utgjevinga av boka En hyllest til livet, vil Pelicot sjølv vere tilstades i ein samtale i Universitetes aula dagen etter. 

Meir Heddaddagane

Heddadagane går føre seg over heile Oslo frå 8. - 14. juni, og blir avslutta med dei prestisjefylte Heddaprisane.
Alle framsyningar på Det Norske Teatret under Heddadagane, finn du her.
Fullt program for Heddadagane, finn du her.
Meir om Heddaprisen og dei nominerte, finn du her.

Gjestespel på Det Norske Teatret

WO(O)LF WOMEN
Gjestespel frå Rogaland Teater
FREDAG 12. JUNI KL. 19.30 OG LAURDAG 13. JUNI KL. 17.30
SCENE 3

Dansar Therese Markhus og skodespelar Nina Ellen Ødegård står bak denne danseframsyninga som har gått for fulle hus i Stavanger. Det er ei vakker og personleg framsyning og ei utforsking av kva det vil seie å vere sjelesystrer.

EG ER LUCY BARTON
Gjestespel frå Teater Vestland
TYSDAG 9. JUNI KL. 20.00 og ONSDAG 10 JUNI KL. 13.00
SCENE 3

Den amerikanske stjerneforfattaren Elizabeth Strout har skrive boka framsyninga er basert på, ei klok og vakker forteljing om familieliv og kjærleik. Når Lucy Barton blir sjuk, blir ho tvinga til å reflektere over livet, og utforskar krafta som ligg i forsoning og tilgiving.

NÅR ALLE SOVER
Gjestespel frå Unge Viken i samarbeid med Teater Joker
TYSDAG 9. JUNI KL. 10.00 og 11.00
FOAJEEN VED SCENE 2

Basert på Nicolai Houm og Rune Marhus si rike bildebok, er dette blitt ei sjarmerande og spennande framsyning for barn frå 3 år. Det er ei forteljing om eit uvanleg vennskap og om utfordringane ein står overfor når ein har med digre, pelskledde monster å gjere.