Frankenstein: Grøssar-teater for barn

FRANKENSTEIN
av og med Feil Teater
URPREMIERE 24. SEPTEMBER KL. 18.00
SCENE 3

Kva hender om ein vekker det døre til live? Victor Frankenstein er besett av å skape liv frå den krafta som tok livet av mor hans - men er ikkje klar til å møte følgane. Frå restar frå daude kroppar skapar han ein vesen som skremmer vettet av både han sjølv og alle andre. 

Og dei som blir utstøytte, kan ofte ende opp med å sette seg i respekt på andre måtar. Frankensteins kreatur blir oppfatta som eit monster - og blir eit monster. Berre den blonde kona møter han med varme, og han lærer å få og ta imot kjærleik.

Halloween-teater

På Scene 3 møter publikum eit gotisk-inspirert univers og skodespelarar med krittkvite fjes og mørke ringar rundt augene. Dei får sjå hjernar, tarmar og lause armar. Feil Teater tek alltid sitt unge publikum på alvor, og når det skal skremmast - så blir det skummelt! Men bak det skumle ligg det også ein menneskeleg bodskap og filosofiske spørsmål.
Framsyninga er tilrådd frå 10 år, men er definitivt ikkje for sarte sjelar.

Feil Teater

Hausten 2026 flytta teaterkompaniet Feil Teater inn på Scene 3 på Det Norske Teatret. Her skal dei vere i eit heilt år og lage teater for barn.

- Vi ønskjer at barn skal gå heim med ei oppleving av noko heilt utanom det vanlege! seier Feil Teater. Med Frankenstein vil dei lage skrekk og humor-teater på barna sine premissar.Teatergruppa starta som eit prosjektteater medan dei enno var studentar ved Nord Universitet i 2016. I 2023 fekk dei Heddaprisen for beste framsyning for barn med framsyninga Nordpolen Magiske Trikketransport, og i 2025 blei dei nominert i same kategori for Flukten fra Botsen.

Feil Teater jobbar for at teater skal vere inkluderande og bygge fellesskap. Framsyningane tek utgangspunkt i mange ulike tema, men alle har eit leikent teateruttrykk som fengar dei som ikkje oppsøker teater til vanleg.

Første framsyning ut på Scene 3 er Frankenstein.
Seinare i haust kjem Den perfekte premieren - og det som vart litt dumt.