– Skal du til Bergen i helga? Reis kollektivt
6.5.2026 07:45:00 CEST | Statens vegvesen | Pressemelding
Fløyfjelltunnelen blir stengd mot sentrum heile helga. Statens vegvesen og Skyss ber alle reise kollektivt for å unngå trafikkaos i sentrum.

– Dette er ei helg der vi verkeleg ber folk om å la bilen stå. Med stengt sørgåande løp mot sentrum og store arrangement i byen, kan det bli køar som forplantar seg langt ut i vegnettet, seier seksjonssjef Jørn Kristian Engebø i Statens vegvesen.
Vegvesenet åtvarar mot at det vil bli køar heile helga.
Oppmodinga gjeld særleg reisande som skal frå Åsane og område nord for Bergen og inn mot sentrum. Dei som planlegg å køyre til Bergen sør blir oppmoda til å køyre via Arna og Grimesvingane.
Stenger fredag klokka 17.00
Det sørgåande løpet av Fløyfjelltunnelen stenger frå klokka 17:00 fredag 8. mai, og opnar opp att måndag 11. mai klokka 05:30. Arbeidet i tunnelen inneber sprenging, støyp og asfaltering, og er for omfattande til at det kan bli gjennomført som nattarbeid.
Fløyfjelltunnelen er gammal og krev store utbetringar for å framleis kunne vere sikker i åra framover. Arbeida med tunnelen har alt gitt periodar med nattestengingar, og trafikantane må vere førebudde på at dette vil halde fram gjennom heile 2026.
Buss og tog har god kapasitet
Laurdag er det invitert til store arrangement i Bergen sentrum, med gratiskonsert med Tobias Sten og storskjermvisning av cupfinale på Torgallmenningen. Det er derfor venta at mange vil reise inn til byen på laurdag.
Skyss oppmodar alle som har moglegheit, om å ta bussen i staden for å køyre bil. Ein bør berekne litt ekstra tid for å komme seg fram desse dagane.
Toget frå Arna til sentrum bruker sju minutt og går etter planen som normalt gjennom heile helga. Dette kan vere eit godt alternativ for å unngå kø.
Slik blir trafikken påverka
- Sørgåande løp i Fløyfjelltunnelen (mot Bergen sentrum) blir stengt i heile perioden.
- Nordgåande løp (frå sentrum mot Åsane) er ope, med berre korte, mellombelse stansar natt til laurdag i samband med sprengingsarbeid.
- All trafikk frå nord (Åsane og Sandviken) mot Bergen sentrum eller søndre bydelar bør nytte fv. 587 Hardangervegen (Grimesvingane). Dette er hovudomkøyringsruta og den klart beste løysinga.
- Omkøyring via Sandviken og Bryggen er frårådd og vil føre til store køar og lang ventetid.
- Det vil bli sett inn trafikkvakter i sentrale kryss i Bergen sentrum og langs Grimesvingane for å styre trafikken
Her finn du oppdatert trafikkinfo
Kontakter
Jørn Kristian EngebøSeksjonssjefStatens vegvesen, Drift og vedlikehald
Tel:951 91 891jorn.engebo@vegvesen.noPressevakt Drift og vedlikehold
* Drift, vedlikehold og forvaltning av riksvegnettet * Brøyting/strøing/salting * Asfalt * Rekkverk * Bruer * Tunneler * Fjelloverganger * Rasteplasser * Inspeksjoner * Ferje
Om Statens vegvesen
Statens vegvesen arbeider for å skape et smart og sammenhengende transportsystem på vei for hele Norge. Det skal være enkelt å reise og transportere varer – på sikre veier tilpasset framtidens behov.
Følg pressemeldinger fra Statens vegvesen
Registrer deg med din e-postadresse under for å få de nyeste sakene fra Statens vegvesen på e-post fortløpende. Du kan melde deg av når som helst.
Siste pressemeldinger fra Statens vegvesen
Arbeid ved Snåsavatnet21.11.2026 10:39:48 CET | Pressemelding
Vegvesenet gjer arbeid ved E6 Snåsavatnet dei neste tre vekene.
E6 Øyertunnelen blir stengd om natta i to veker20.11.2026 09:41:29 CET | Pressemelding
E6 gjennom Øyertunnelen, nord for Lillehammer, blir stengd om natta i veke 48 og 50 på grunn av elektroarbeid i tunnelen. Arbeidet startar søndag kveld og går fram til laurdag morgon begge vekene.
Arbeid på E39 ved Troldhaugen19.11.2026 12:15:50 CET | Pressemelding
Statens vegvesen gjer fram til jul arbeid på E39 Skiparvik bru, sørgåande retning, like sør for Troldhaugen i Bergen.
Arbeid i to rv. 5-tunnelar i Sunnfjord18.11.2026 08:15:00 CET | Pressemelding
Statens vegvesen gjer elektroarbeid i Hornnes- og Bjørnsnestunnelen mellom Førde og Naustdal kommande veke.
Mer venting på E6 i Salten18.11.2026 08:00:00 CET | Pressemelding
Fra mandag øker ventetida på E6 ved Setså i Saltdal kommune i Nordland.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom