Avinor i 2025: Solid trafikkår med sterk utanlandsvekst

Kommersielle flyrørsler (avgangar og landingar) hadde ein vekst på 7 prosent i desember samanlikna med desember 2024, og ein auke på 2 prosent i 2025 samanlikna med 2024.

Interessa for Noreg som vintersesongmål er tydeleg aukande, og både flyselskap og internasjonale turoperatørar har for alvor oppdaga dei norske vinterprodukta. Samstundes er det tyder på at også nordmenn reiser mykje i desember.

– Vi ser ein markant oppgang i utanlandstrafikken i desember, noko som stadfestar at interessa for Noreg som vinterdestinasjon er sterkare enn nokon gong. Det er svært gledeleg at både reisande og internasjonale aktørar får auga opp for dei unike vinteropplevingane landet vårt kan tilby, fortel Gaute Skallerud Riise, direktør trafikkutvikling i Avinor.

Nord-Noreg driv mykje av veksten

Lufthamnene i Nord-Noreg hadde ein særleg sterk desember:

• Tromsø lufthamn vaks totalt med 13 prosent fleire passasjerar, og heile 21 prosent blant utanlandsreisande. Dette gjer Tromsø lufthamn til landets tredje største lufthamn i desember – berre slått av Oslo og Bergen lufthamner.
• Bodø lufthamn hadde ein vekst på 10 prosent.
• Evenes lufthamn voks med 12 prosent.

– Lufthamnene i Nord-Noreg har levert eit særs imponerande år. Tromsø markerer seg no som ei av dei største og mest dynamiske lufthamnene våre om vinteren, og veksten i Bodø og Evenes viser at regionen står sterkt i ein periode der konkurransen om internasjonal merksemd er høg, seier Riise.

Over 53 millionar reisande i 2025

– Vi har hatt oppstart av 22 heilt nye ruter, og to nye flyselskap inn i marknaden i 2025. Det viser at Noreg har ein veldig sterk posisjon internasjonalt, med fleire attraktive reisemål. Samstundes ser vi at utanlandstrafikken på Oslo lufthamn veks betydeleg saktare enn på dei andre skandinaviske hovudflyplassane. Det understrekar behovet for å styrkje konkurransekrafta og tilgjengelegheita til Noreg framover.

Droneflyving aukar

I desember månad har det vore1354 droneflyvningar, ein auke på 28 prosent samanlikna med desember året før, seier Nikola Tufekcic, leier for ubemanna luftfart i Avinor.

I heile 2025 var det 31 632 flyvninger, ein auke på 30 prosent frå 2024. -Vi er glade for at stadig fleire vel å fly drone lovleg, avsluttar Nikola Tufekcic.

 Talet på reisande er fortfarande ikkje på 2019-nivå

Samla passasjertal for Avinor i 2025 ender på om lag 53 millionar reisande, ein vekst på 3 prosent frå 2024, men det er framleis ikkje like mange reisande som i 2019 (54 millionar reisande).

Sjå fleire tal og statistikk på avinor.no