18,7 millionar til fagutvikling i fartøyvernet
- Tilskota går til å ivareta og vidareføre kunnskap om handverk knytt til verna og freda fartøy, seier riksantikvar Hanna Geiran.
Tilskotet fordelast over statsbudsjettet på post 75 – «Fagutvikling i fartøyvernet». Ordninga skal bidra å skape solide fagmiljø, samt betre samarbeidet mellom dei nasjonale fartøyvernsentra og andre aktørar.
- Fartøyvernet er avhengig av kunnskapen til fartøyvernsentera. Dei tre sentera i Noreg har alle unik kompetanse. Saman med det frivillige engasjementet for fartøyvern, bidreg sentera til at dei verna skipa vi har i Noreg kan restaurerast og setjast i stand, seier riksantikvar Hanna Geiran.
Årets tilskotspost har ein nedgang på 900 000 kroner frå 2021. Riksantikvaren har likevel ein større pott til fordeling, som følgje av overførte restmidlar frå dei siste to åra.
Kva går tilskota til?
Dei nasjonale fartøyvernsentera, og aktører med relevant kompetanse, kan motta tilskot til:
- Innsamling av kunnskap, forsking og dokumentasjon
- Rådgjeving og målretta kunnskapsdeling
- Naudhamn, midlertidig sikring for fartøy som er freda eller verna
- Formidling av materialar og delar til antikvarisk istandsettingsarbeid
Årets tildeling
I tillegg til søknadane frå dei tre fartøyvernsentera på til saman 32 millionar kroner, har vi fått søknadar frå ni andre aktørar på til saman 2 millionar kronar. Tilskotsposten, med restmidlar, dekkjer om lag 53 % av den totale søknadssummen for 2022.
Fartøyvernsentera og dei andre aktørane gjer en viktig jobb med å dokumentere historiske fartøy, håndverksteknikkar og tradisjonell utøving av handverk.
Overordna prioriteringar i 2022
I 2020 overtok fylkeskommunane og Sametinget forvaltingsansvaret for fartøyvernet. For fartøyvernsentera innebar det eit auka fokus på produksjon av grunnlagsdokumentasjon som teknisk-historisk dokumentasjonsrapport, restaureringsplan og tilstandsvurdering.
Det er viktig med eit godt, og koordinert, samarbeid – både for sentera seg imellom, og med fylkeskommunane og Sametinget. Ved årets tildeling er det difor lagt særleg vekt på samarbeidet mellom fartøyvernsenterane og utarbeiding av grunnlagsdokumentasjon på bestilling frå fylka.
Endra søknadskriterier
I 2021 blei det også opna for at andre aktørar enn fartøyvernsentera kunne motta tilskot frå denne tilskotsposten. I 2022 ser vi ei auke i søknadar, som er positivt. Fartøyvernet treng fleire aktørar,, og søknadene dei andre aktørane har levert for 2022 er av god kvalitet, sett i lys av at søkjarane har relativt fersk erfaring med tilskotsposten.
Riksantikvaren har i 2022 prioritert seminar og kurs som bidreg til fagutvikling og deling av kunnskap i fartøyvernet hjå desse aktørane.Blant søknadane som er innvilga er blant anna forsking og dokumentasjon ved bygging av Hvalerskøyter, motorkurs og seminar om tæringsproblematikk.
Nøkkelord
Kontakter
PressevaktRiksantikvarenIkke send sms, telefonen viderekobles.
Telefonen er betjent i vanlig kontortid.
Bilder
Lenker
Om Riksantikvaren
Riksantikvaren er et direktorat underlagt Klima- og miljødepartementet, og vi er departementets rådgiver i alle saker som gjelder kulturminner og kulturmiljø. Riksantikvaren er den overordnete kulturminnemyndigheten og ansvarlig for å sette i verk den nasjonale kulturminnepolitikken. Vi har et faglig ansvar overfor kommunene, fylkeskommunene, Sametinget, Sysselmannen på Svalbard og forvaltningsmuseene på kulturminnefeltet.
Følg pressemeldinger fra Riksantikvaren
Registrer deg med din e-postadresse under for å få de nyeste sakene fra Riksantikvaren på e-post fortløpende. Du kan melde deg av når som helst.
Siste pressemeldinger fra Riksantikvaren
– Sikrer innseglingen til et av Norges viktigste festningsanlegg15.4.2024 07:00:00 CEST | Pressemelding
Riksantikvaren melder oppstart av områdefredning for Bergenhus festning. – Områdefredning av Bergenhus festning har ligget i kortene i flere år, sier riksantikvar Hanna Geiran.
Kartlegger vikingarven som mulig verdensarv12.4.2024 07:15:00 CEST | Pressemelding
Riksantikvaren kartlegger vikingtidens kulturminner for å vurdere en mulig oppføring på Norges «venteliste» for verdensarv.
400 000 kroner til den Trondhjemske postvegen11.4.2024 12:59:20 CEST | Pressemelding
Dei gamle postvegane knyt Noreg saman. No løyver Riksantikvaren 400 000 til eit prosjekt som skal løfte den Trondhjemske postvegen fram i ljoset.
Reiser motsegn mot oppdrettsanlegg i verdsarvfjell18.3.2024 06:30:00 CET | Pressemelding
Riksantikvaren reiser motsegn mot eit planlagt oppdrettsanlegg i Raudbergvika i Fjord kommune i Møre og Romsdal. - Anlegget kjem klart i konflikt med verdsarvverdiane for Vestnorsk fjordlandskap, seier riksantikvar Hanna Geiran.
8,5 millioner i tilskudd til kirkekunst7.3.2024 08:20:31 CET | Pressemelding
Riksantikvaren har fordelt 6, 5 millioner i tilskudd til konservering av kirkekunst i 2024, og 2 millioner i tilsagn for 2025.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom