Det Norske Teatret opnar under Pride
- Å stå saman i kampen for likeved og retten til å elske den ein vil, er ein viktig verdi heile året. Eg er veldig glad for at vi i år kan vere med på å markere dette ekstra under Pride, seier teatersjef Kjersti Horn, som for første gong opnar huset under Oslo Pride.
Det Norske Teatret har i utgangspunktet gått inn i sommardvale - men i år opnar huset dørene under Oslo Pride. Det blir utstilling, konsert, samtalar, kostymesal og urpremiere på teaterframsyninga How to make love.
PROGRAM PRIDE ♥ DNT
Opning, panelsamtale og konsert
23. juni kl. 17.00
Kjersti Horn vil stå for den offisielle opninga, og deretter blir det minikonsert med Oslo strykekvartett.
I samtalen Å ville leve som seg sjølv vil fiolinist Liv Hilde Klokk, forfattar og fotograf Knut Langeland, tidlegare toppidrettsutøvar Stian Grastveit og skodespelar Geir Kvarme snakke om det å vere skeiv før og no. Journalist Erik Aasheim vil leie samtalen.Les meir.
TEATER: HOW TO MAKE LOVE
av Tani Dibasey
Urpremiere 23. juni kl. 18.30
Blir også vist:
24. juni kl. 14.00, og 19.45
25. juni kl. 17.00 og 19.30
Korleis er det å vere ung, muslim, og homofil?
Er det mogleg å utforske sensualiteten din, dersom du heile livet har blitt lært kva det vil seie å vere mann, kva det betyr å bli akseptert, kva som er lov, kva som er haram og kva det vil seie å elske?
To unge menn med afrikansk oppdraging og religiøs bakgrunn utfordrar verdiane og og perspektiva sine når dei blir oppmuntra til å utforske sensualitet i lag med ein person som er i prosess med å bli fri.Les meir.
Utstilling med Bjørn O. K. Langeland
23. - 25. juni
Dei fargerike og kontrastfylte måleria til kunstnaren Bjørn O.K. Langeland (1943 - 2023) vil pryde foajeen i teateret.Les historia om Langeland her.
Partileiardebatt - Skeiv valdebatt
24. juni kl. 17.00
I 2025 er det stortingsval, og sjeldan har skeive sine liv og rettar vore under sterkare angrep både i Noreg og internasjonalt.
Vi tek debatten!Les meir.
Skeive flyktningars veg mot integrering og likeverd
24. juni 11.00 - 13.30
Korleis går det eigentleg med dei skeive flyktningane i Oslo, og kva for integreringsrelaterte utfordringar står dei overfor i byen vår?
Korleis arbeider integreringsaktørane i Oslo med skeive flyktningar?
Oslo kommune vil også lansere HAILI-prosjektet - handlingsplan for integrering av LHBTIQ+-deltakarar i introduksjonsprogram.Les meir.
Intimkonsert med Jeremy Dutcher
24. juni kl. 18.30
Jeremy Dutcher er ein klassisk trena tenor, «Two Spirit» songberar, multikunstnar, aktivist og medlem av Neqotkuk (Tobique First Nation) i Aust-Canada. Under Oslo Pride kan du oppleve denne prisvinnande canadiske artisten på Det Norske Teatret.
Nøkkelord
Kontakter
Ida MichaelsenInformasjonssjef
Tel:414 45 345ida@detnorsketeatret.noÅsne Dahl TorpInformasjonskonsulent
Tel:986 23 573aasne@detnorsketeatret.noBilder
Lenker
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
Følg pressemeldinger fra Det Norske Teatret
Registrer deg med din e-postadresse under for å få de nyeste sakene fra Det Norske Teatret på e-post fortløpende. Du kan melde deg av når som helst.
Siste pressemeldinger fra Det Norske Teatret
Dragonblood: Kaotisk sjangermiks på Scene 311.9.2025 07:00:00 CEST | Pressemelding
Only Slime overgår dei fleste i å blande sjangrar. I Dragonblood møter teater klubbkultur, viking live møter K-pop og salen blir sugd inn i eit spelinspirert eventyr som ikkje kan bli sett på pause. Ei på alle måtar omsluttande og radikal oppleving. Publikum er med dette åtvara.
Milo Rau – når politikk og teater ikkje er mogleg å skilje10.9.2025 07:00:00 CEST | Pressemelding
Det er eit skup at regissør og dramatikar Milo Rau, den politisk engasjerte leiaren av Wiener Festwochen, no gjer eit stopp på RESISTANCE NOW-turneen på Det Norske Teatret.
Kronprinsesse Mette-Marit kjem til Fossefestivalen DIFF9.9.2025 07:00:00 CEST | Pressemelding
Fossefestivalen DIFF 2025 har trekt eit rekordhøgt antal publikum. Opningshelga var smekk full med Fosse-premierar, samtalar og gjestespel. Tilbakemeldingane har vore overstrøymande frå både teaterentusiastar og kritikarar. Men det er fleire høgdepunkt i vente. DIFFs høge beskyttar Kronprinsesse Mette-Marit er venta til festivalen i morgon, onsdag, for å oververe lesesirkelen som tar for seg romanen Naustet av Jon Fosse.
Premiere på Vinter og Skodespelet under Fossefestivalen4.9.2025 09:00:00 CEST | Pressemelding
I morgon sparkar Fossefestivalen DIFF i gang med lansering av Vaim, den nye romanen til Jon Fosse. Deretter blir det premiere på Vinter i ei nytolking av det belgiske stjerneskotet Lisaboa Houbrechts. Laurdag byr vi på urpremiere på Skodespelet, eit heilt nytt stykke frå Fosses hand.
DIFF: Slagkraftig Fossefestival1.9.2025 15:16:43 CEST | Pressemelding
DIFF - Den internasjonale Fossefestivalen - framstår i si fjerde utgåve både i ny drakt og meir slagkraftig enn nokon gong. Festivalen har fått HKH Kronprinsesse Mette-Marit til høg beskyttar og litteratursensasjonen Édouard Louis som årets æresgjest. Med eit stjernespekka program, knallsterke framsyningar og internasjonale gjestespel vil både kjennarar og dei som møter verka hans for første gang få rikeleg med påfyll.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom