13 studentar får masterstipend frå Husbanken

Stipenda frå Husbanken skal bidra til å utvikle ny kunnskap og nytenking om bustadsosialt arbeid. I år er det 13 studentar fordelt på ti oppgåver som får 30 000 kr for kvart masterprosjekt.

– Dette gjer vi kvart år. Det kjem alltid spennande søknader frå studentane. I år fekk vi søknader frå 18 studentar til 15 ulike masterprosjekt. Vi har gitt stipend til dei ti prosjekta som er meste relevante for Husbanken sitt arbeidsfelt, seier seniorrådgivar Anne Camilla Vaalund.

Tematisk spennvidd

Årets tema er aktuelle og spenner vidt. Her er eit lite utval:

Olaf Torgersen og Sigurd Bakka Samdal skal analysere EU sitt bustadenergidirektiv og undersøke om det er samanheng mellom bustader si energiklasse og marknadsverdi, og om klassifiseringa påverkar forbrukarar og lånevilkår i Husbanken.

Gjennom ei masteroppgåve i design skal Emily Bakke undersøke korleis interiørarkitektur kan hjelpe fleire å bu lenger heime. Prosjektet ser på korleis tilrettelagt innreiing og hjelpemiddel kan bidra til dette.

Johan Daniel Holm Balto skal sjå på om bygdevekstpilotar kan stimulere til berekraftig bustadutbygging, styrking av lokale lånemarknader, å overvinne finansielle hindringar og fremje bygdevekst.

Korleis påverkar hensynssoner i kommunale planar samspelet mellom offentlege planmyndigheiter og private utviklarar? Inger Meringen Schjetne og Ida Bjørgum Holgersen har gjort ei juridisk tolking av lovføresegna om hensynssoner, og sett på om dei hemmar eller fremjar heilskapleg bustadutvikling.

Desse får masterstipend i 2024:

Namn på student(ar)	Tittel på masteroppgåve
Olaf Torgersen og Sigurd Bakka Samdal	En analyse av EU sitt bustadenergidirektiv
Anne-Rita Andal	Masteroppgåve i verdibasert leiing
Jenny Olafsen Laukas og Rebekka Haaland Johansen	Kan sosial bustadbygging bli meir effektiv med samarbeid mellom dei ulike aktørene?
Sigrid Elise Høeg	Landlords and their middlemen
Emily Bakke	Bustad for alderdommen
Kristina Emilie Winther Jakobsen	Tredje bustadsektor og endringsvilje - kven skal avstå frå profitt?
Jarand Ellingsen Roaldkvam	Rotfeste: Rural web of connection
Inger Meringen Schjetne og Ida Bjørgum Holgersen	Korleis påverkar bestemminge om felles planlegging bustadprosjekt i utviklingsområde?
Juhan Daniel Holm Balto	Eigedomsutvikling i rurale område
Hugo Smith Vedal	Økern Torgvei familiefellesskap