Påskefeiring i kyrkja som planlagt

Politiet et innført nasjonal bevæpning av politiet i påskehøgtida, på bakgrunn av ei oppdatert trusselvurdering frå PST. I denne vurdeirnga framstår kyrkjer og kristne samlingsstader som aktualiserte terrormål, men PST understrekar at det ikkje ligg føre konkrete truslar. Trusselnivået i Noreg er uendra. 

Den norske kyrkja på nasjonalt nivå har jamnleg kontant med Politiet og PST. Tilbakemeldinga er at kyrkja sine arrangement kan gå som planlagt, og ein er oppfordra til å feire påske som normalt. 

– Påska er ei tid som samlar mange menneske til ulike arrangement i kyrkjene, seier kyrkjerådsdiretkør Ingrid Vad Nilsen. 

På skjerikyrkja.no kan du velje kommune og finne programmet for kyrkja der du er. 

– Vi har jamnleg kontakt med PST og er glade for at dei følgjer med på situasjonen. No har vi sendt ut informasjon til alle lokale arrangørar om at påskeprogrammet kan gå som planlagt, seier Vad Nilsen. 

Politiet vil kontakte kyrkja dersom dei meiner det er grunn til at kyrkja må ta spesielle omsyn.

– Den viktigaste jobben til politiet er å trygge befolkninga. Sjølv om det ikkje ligg føre konkrete truslar, har politidirektøren etter ei samla vurdering innført midlertidig bevæpning for å sikre best mogeleg beredskap gjennom påska, seier beredskapsdirektør i Politidirektoratet, Tone Vangen. Les meir på politiet.no.