Kårar Noregs artigaste stadnamn
Kva ligg 8 km vest for Risør, i ei skjerma vik ved øya Barmen? Jo, det er stranda der ein ukjent og uheldig hundeeigar truleg innsåg at han kom til kort med menneskets beste venn – noko som gav uforklarleg opphav til Noregs artigaste stadnamn.

For der stoppar faktisk alle spor og forklaringar på stadnamnet «Der bikkja beit mannen», som dei tilsette i Kartverket no har kåra til Noregs artigaste: I ein uformell konkurranse no i november bad vi dei tilsette først om å komme med forslag til kva dei synest er dei artigaste stadnamna.
Kvifor dei tilsette i Kartverket er så opptatte av stadnamn? Jo, ikkje berre brukar Kartverket stadnamn som grunnlag for kartdata og stadfesting. I tillegg er det Kartverket som forvaltar Sentralt stadnamnregister og kulturminnevernet i lov om stadnamn frå 1991.
På kartverket.no kan du også bli med og stemme på det artigaste stadnamnet. Du kan velje mellom dei 16 stadnamna som kom til finalen i den interne konkurransen hos Kartverket.
Frå Grjotfljått til Oppkastmyra
Blant dei 70 forslaga som kom inn i første del av konkurransen, var det godsaker frå heile landet:
Alt frå tungekrøllande og uforståelege namn som Grjotfljått (Eidfjord) og Urutlekråi (Årdal), til… meir lettforklarlege namn som Dritskaret (Sirdal) og Oppkastmyra (Grong, sjølvsagt).
Stadnamn frå tider som var mykje fattigare enn no, så som Luserud (Nes, Grue, Gran m.fl), Loppeborgen (Ringerike) og Skeivstøvelbråtan (også Ringerike) – til stadnamn frå tider som var artigare enn no, så som Moroskyldmyra (Stange), Hygga (Vardø, Drammen m.fl.) og Hurrabekkvegen (Nord-Aurdal). Mykje fyll som i Konjakkbakken (Berlevåg), Sprittjønn (Fyresdal) og Heimbrenten (Kongsvinger), og enno fleire nabokranglar som i Dusterud (Tinn, Flesberg m.fl), Purkestad (Etnedal og Hemsedal) og Gamleeriken (Indre Østfold).
Da Stortissvatnet slo Spermbanken
Det er ikkje alle ord og uttrykk man slepp unna med i offentleg forvaltning, men dei tilsette i Kartverket kan finne trøyst i å forvalte Sentralt stadnamnregister. Det gir eit rikt tilfang og mange moglegheiter til å slå om seg med kraftuttrykk som våre stadsnamnekspertar med varsemd fordeler utover landet og skriv inn i offentlege kartdata.
For det er ingen tvil om at floral folkeleg fantasi er likeleg fordelt over landet når det kjem til kropp og kjønn, så som Knullerne (Larvik), Gjellifitja (Trondheim), Møkkalasset (Fredrikstad, Bodø, Frogn m.fl), Kjerringmigen (Søndre Land) og Kukkeluren (Stad).
Det vart så mykje å velge i, at ein jury måtte tre saman og skrelle ned 16 alternativ som dei Kartverks-tilsette kunne stemme på. I denne finaleavstemminga måtte mellom anna Spermbanken (Nesodden) sjå seg slått av Stortissvatnet (Lierne), som stod opp med ein potent bronseplass.
Uforklarleg vinnar
Andreplassen gjekk til Setersetersetra (Heim kommune), som sjølvsagt grusa det uoppfinnsame Vatnevatnet som du attpåtil finn både i Ålesund, Ørsta og Sunnfjord.
Vinnar i den interne konkurransen vart altså «Der bikkja beit mannen», som trass i ei truleg minnerik oppleving så langt har uforklarleg opphav: Ikkje ein gong stadnamn-boka til Søndeled og Risør historielag har lykkast i å gjere greie for opphavet, trass i at dei ni forfattarane brukte 21 år frå jobben starta i 1996 til boka kom ut i 2017. Ikkje rart at tre av dei gjekk bort i mellomtida.
Trur du ikkje at alle desse namna er verkelege? Du finn dei i Norgeskart.no, der du kan søke etter alle godkjende namn frå Sentralt stadnamnregister.
Nøkkelord
Kontakter
Sissel KanstadPresseansvarlegKommunikasjonsavdelinga i Kartverket
Tel:99 51 38 48sissel.kanstad@kartverket.noBilder

Lenker
Om oss
Kartverket blei etablert i 1773 og er den eldste tekniske etaten i Noreg som framleis er i drift. Oppgåvene våre har endra seg i takt med digitaliseringa av samfunnet. Vi er ei moderne og innovativ verksemd med blikk for framtida.
Følg pressemeldinger fra Kartverket
Registrer deg med din e-postadresse under for å få de nyeste sakene fra Kartverket på e-post fortløpende. Du kan melde deg av når som helst.
Siste pressemeldinger fra Kartverket
Slik skal Norge få mer oversikt over arealbruken3.7.2025 15:24:17 CEST | Pressemelding
Hvordan vi bruker arealene våre, har stor betydning for miljøet og kommende generasjoner. Nasjonalt grunnkart for arealanalyse gir avgjørende kunnskap. En samarbeidsavtale mellom Kartverket, NIBIO, Miljødirektoratet og SSB skal sikre videreutvikling av verktøyet.
Svalbard har fått nytt høydegrunnlag30.6.2025 10:00:00 CEST | Pressemelding
En ny vertikal referanseramme gir mer presise høyder på Svalbard. Dette styrker kartlegging, overvåking av klimaendringer og beredskap i Arktis.
Grensa mot Finland er gått opp for en generasjon24.6.2025 07:30:00 CEST | Pressemelding
Etter tre år med feltarbeid langs den 736 km lange riksgrensa mellom Finland og Norge, ble den siste inspeksjonen av arbeidet i terrenget fullført i juni. Nå er grensa definert for de neste 25 årene.
Gir anbefalinger om eierskap til regjeringen19.6.2025 11:27:00 CEST | Pressemelding
Kartverket har overlevert anbefalinger til statsråd Kjersti Stenseng om hvordan samfunnet skal få bedre tilgang til riktige opplysninger om eierskap til fast eiendom.
Svalbard kan ha vokst med 148,5 fotballbaner17.6.2025 09:49:55 CEST | Pressemelding
Normalt presser isbreene ned landmassene på Svalbard. Men den varme sommeren 2024 ga ekstrem issmelting og 20 mm landheving. Selv om 20 mm kan virke lite, viser en beregning at landarealet kan ha økt tilsvarende 148,5 fotballbaner.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom