Auka bruk av kikholskirurgi ved tarmkreft
Bruken av kikholskirurgi ved tjukk- og endetarmskreft har auka mykje dei siste åra. – Dette er ei god utvikling. Metoden er meir skånsam for pasientane, seier fagdirektør i Helse Vest RHF, Bjørn Egil Vikse.
![Portrett av mann med kort hår i hvit frakk](/data/images/public/17847310/18020364/69af76a8-ab46-4c2d-ba69-338f41b641a6-w_720.jpg)
For ti år sidan vart 27 prosent av pasientane med endetarmskreft opererte med kikholskirurgi. I dag blir 91 prosent av pasientane operert med denne metoden.
For pasientar med tjukktarmskreft har bruken av kikholskirurgi auka frå 37 til 79 prosent i den same perioden.
– Dette er ei svært positiv utvikling på ganske få år, seier Vikse. - Dei fleste av sjukehusa på Vestlandet ligg også over landsgjennomsnittet for dette. Det viser at det er god kompetanse på dette feltet i regionen og at dei kirurgiske fagmiljøa ser fordelane ved metoden.
Både tjukk- og endetarmskreft kan opererast med konvensjonell open kirurgi eller med kikholsteknikk. Begge metodane har vist like god langtidsoverleving i store internasjonale studiar.
Kikholsteknikken gir mindre sår i bukveggen og fører som regel til mindre belastningar for pasientane.
– For dei fleste pasientane er kikholskirurgi ein meir skånsam metode. Det er mindre smerter etter operasjon, raskare rehabilitering og lågare risiko for komplikasjonar, seier Bjørn Egil Vikse.
Pasientar med tjukk- og endetarmskreft har gode utsikter for å leve fem år etter operasjon, og overlevingstala har halde seg på eit stabilt nivå dei siste åra. Den relative overlevinga for pasientar med tjukktramkreft (stadium I-III) ligg på 89,2 prosent fem år etter operasjon. For endetarmskreft (stadium I-III) er overlevinga 89,9 prosent. Tala viser vidare at Helse Vest ligg over landsgjennomsnittet for overleving.
Denne saka er fyrst omtala i pressemelding og på nettsidene til Helse Sør-Øst RHF.
![Tabell%2C%20stolpediagram](https://kommunikasjon.ntb.no/data/images/public/17847310/18020364/d8bfe83e-c672-4426-85ef-32d58158595e-w_720.png)
![Grafikk%2C%20stolpediagram](https://kommunikasjon.ntb.no/data/images/public/17847310/18020364/eeb88d49-9de2-4636-9535-9bd94a879f20-w_720.png)
Nøkkelord
Kontakter
Bente AaeKommunikasjonsdirektørHelse Vest RHF
Tel:415 33 807bente.aae@helse-vest.noFølg pressemeldinger fra Helse Vest RHF
Registrer deg med din e-postadresse under for å få de nyeste sakene fra Helse Vest RHF på e-post fortløpende. Du kan melde deg av når som helst.
Siste pressemeldinger fra Helse Vest RHF
Fekk ned ventetidene med telefonpoliklinikk21.6.2024 15:30:00 CEST | Pressemelding
Frå å ha lange og aukande ventelister, har no nevrokirurgisk avdeling på Haukeland universitetssjukehus så god kapasitet at dei kan avlaste andre sjukehus. Kva har dei gjort? Dei har brukt telefonen.
Felles innsats for å få ned ventetidene20.6.2024 10:50:27 CEST | Pressemelding
Ventetida er for lang for nokre behandlingar. Regjeringas Ventetidsløftet skal bidra til å få ned ventetidene i sjukehusa.
Slik ser investering og drift i sjukehusa i vest ut dei neste ti åra19.6.2024 15:56:09 CEST | Pressemelding
På styremøtet til Helse Vest RHF onsdag vart kanskje den viktigaste saka i året behandla; nemleg den økonomiske langtidsplanen. Den viser korleis drifta og investeringane i sjukehusa i Helse Vest kan bli dei neste ti åra.
Dette forska sjukehusa på i 202330.5.2024 13:34:52 CEST | Pressemelding
Hologram, virtuell verkelegheit og robotskannar. I 2023 blei det gjort mykje god og viktig forsking i sjukehusa, der fleire ulike verktøy blei tatt i bruk. Torsdag 30. mai blei rapporten om forsking og innovasjon i spesialisthelsetenesta overrekt for ellevte gong.
Nye avtalar med rehabiliteringsinstitusjonar17.4.2024 13:38:31 CEST | Pressemelding
Helse Vest RHF har inngått nye avtalar med private rehabiliteringsinstitusjonar. Med dei nye avtalane er tilbodet til barn og unge styrkte.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom