– Me har i mange år no slått eit slag for nynorsk i november, som ei ekstra markering for å fremje denne målforma. Men me skal sjølvsagt bruka nynorsk resten av året òg. Me oppmodar alle tilsette til å bruka nynorsk internt og eksternt i november, seier kommunikasjonsdirektør Synne Storvik i Kartverket.  

Dette seier lova  

Språkrådet fører tilsyn med korleis departementa og deira underliggande statsorgan følgjer reglane om bruk av bokmål og nynorsk i samsvar med språklova. § 13 krev at sentrale statsorgan skal veksla mellom bokmål og nynorsk i allment tilgjengeleg materiale, slik at ingen av skriftspråka er representerte med mindre enn 25 prosent. Statistikken viser at svært få organ oppfyller lovkravet.  

Bra kan bli betre  

Ifølgje rapporten har Kartverket auka nynorskandelen på nettsidene frå 21 til 22 prosent, og i sosiale medium ligg andelen på 18–29 prosent. Likevel lukkast Kartverket ikkje med å oppfylle kravet om 25 prosent nynorsk i 2022.

Kartverket har likevel noko å vere stolt av, sidan vi er blant dei tre organa som oppfyller kravet om minst 25 prosent bruk av kvart skriftspråk i éin eller fleire kategoriar i sosiale medium. For å styrka det språklege samarbeidet, har Kartverket etablert ei eiga nynorskhjelp der engasjerte kollegaer brettar opp ermene og hjelper dei som ikkje skriv like mykje nynorsk.  

Kommunikasjonsdirektøren uttrykkjer glede over dei positive tala for Kartverket og oppmuntrar tilsette til å vere ekstra merksame på bruk av nynorsk i «nyvember». Kartverket tar denne utfordringa på alvor og vil halde fram med å arbeide for auka bruk av nynorsk i samsvar med språklova og Språkrådet sine retningslinjer. 

– Sjølv om Kartverket har gjort framsteg, viser den årlege rapporten frå Språkrådet at vi framleis har eit stykke arbeid å gjere, seier Storvik.