Ny undersøking visar at deltidsarbeid er eit problem for likestilling og ulikheit

Deltidsarbeid opprettheld ulikheita i Noreg

Undersøkinga viser at 45 av HKs medlemer jobbar deltid. Bland desse har nærare halvarten av dei sagt at dei ikkje har valt dette sjølv.

- Deltidsarbeid har store ringverkingar for folks liv. Det gir lågare lønn og pensjon, mindre tryggleik for arbeidstid og lønn neste månad enn heiltidsarbeid. Det blir òg vanskelegare å søkje bustadlån og utvikle seg på jobb, seier rådgivar i Tankesmien Agenda og forfattar av Agenda-notatet «Frå deltidsfelle til heiltidskultur», Trine Østereng.

Svare i undersøkinga underbygg dette. På spørsmål om kva konsekvensar HKs medlemer vektlegg rundt å jobbe deltid legg godt over 60 prosent vekt på at det er dårleg for inntekt og dårleg for pensjonsopptening.

Eit likestillingsproblem

Det er langt fleire kvinner enn menn som jobbar deltid, viser resultata frå undersøkinga som er gjennomført blant over 9000 medlemmar av Handel og Kontor Norge. Halvparten av kvinnene jobbar deltid, mens 27 prosent av mennene som svarer på undersøkinga gjer det same. Undersøkinga visar også at 4 av 5 av dei som jobbar deltid, men seier dei ikkje har valt dette sjølv, er kvinner.

- Som kvinne er det dobbelt så stor sjanse for at du jobbar deltid samanlikna med menn. Me veit at deltid bidrar til å oppretthalde kjønnsforskjellane i arbeidslivet. For det er i dei delane av varehandelen som er dominert av kvinner at me finn flest deltidstilsette, seier forbundsleiar i Handel og Kontor Norge, Christopher Beckham.

Arbeidsgivar eit særleg stort ansvar

- Vår undersøking viser at mange fleire kunne ha jobba heiltid om det blei lagt til rette for. Her har arbeidsgivar eit særleg stort ansvar, understrekar Østereng.

I notatet er det ei rekke forslag for å auke omfanget av heiltid i samfunnet. Det handlar om å innføre lovforslaget frå regjeringa om å ha heiltid som norm i arbeidslivet, men også å etablere meir varige strukturar for å legge til rette for heiltid på arbeidsplassane.