Forsking viser at det ikkje er verre med skilsmisse når mor er lesbisk

– Det er samlivsbrotet dei snakkar om, ikkje grunnen til det. Det at mor var lesbisk, var underordna i deira forteljingar, seier Jorid Krane Hanssen.

Hanssen er professor emerita i sosiologi og har lenge arbeidd med det ho kallar «regnbogefamiliar».

I ein ny artikkel har ho analysert intervjumateriale frå ein tidlegare kvalitativ studie av oppvekstforteljingar frå barn med homoseksuelle foreldre.

Emosjonelt mangfald

Hanssen har analysert elleve forteljingar om å vere barn i skeive familiar, og å ha opplevd samlivsbrot mellom foreldra. Deltakarane var mellom 16 og 31 år då dei vart intervjua, men samlivsbrotet skjedde då dei var barn.

Felles for opplevingane, var at mors seksuelle orientering som lesbisk, ikkje spelte noka stor rolle for barnas reaksjonar – sjølv om alle dei elleve meinte at dette var bakgrunnen for at foreldra gjekk frå kvarandre.

Les hele saka i Kildens nyhetsmagasin.