Løyve til Stødna kraftverk

Stødna Kraft AS har fremma to alternativ for bygging av Stødna kraftverk. Hovudalternativet vil fjerne vatn frå hovudfallet i Stødnafossen, og NVE meiner at dei negative konsekvensane for landskapet er for store til at kraftverket kan få konsesjon.

Det konsesjonsgitte reduserte alternativet skal nytte ei fallhøgd på 131 m med inntak under Stødnafossen på kote 139 og kraftstasjon på kote 8. Driftsvatnet skal førast i tunnel gjennom ein fjellrygg like ved inntaket, og vidare gå i nedgraven røyrgate.

Det kan gå anadrom fisk på ein strekning av elva oppstraums kraftstasjon, men fordi elva jamleg tørkar ut har strekninga inga reell verdi for anadrom fisk. NVE meiner at inngrepa i samband med bygging av inntak og røyrgate kan aksepterast så lenge dei vert skånsamt utført.

NVE vurderer at dei samla negative verknadene av utbygginga kan aksepterast, sett i forhold til nytten av den forventa kraftproduksjonen i Stødna kraftverk. På bakgrunn av dette har NVE gitt løyve til bygging av Stødna kraftverk på nærare fastsette vilkår.

Les meir om Stødna kraftverk på NVEs nettstad.

Kontaktpersonar:
Overingeniør Marianne Bismo, tlf. 22 95 97 08
Seksjonssjef Øystein Grundt, tlf. 22 95 93 89 eller 901 98 216