Ikkje løyve til Fjellbekken kraftverk

Kårøyan Kraft AS har søkt NVE om løyve til å bygge Fjellbekken kraftverk i Fjellbekken i Hemne kommune i Sør-Trøndelag. Dei planla ein årleg produksjon på omlag 7 GWh, noko som svarar til straumbruken til rundt 350 husstandar.

Ei bygging av kraftverket vil medføre svært store og omfattande inngrep i eit landskap som i dag framstår som tilnærma urøyrt. I tillegg vil det påverke ei bekkekløft med svært viktig verdi. Tiltaket vil medføre sterkt redusert vassføring i Fjelna og NVE meiner dette på sikt kan føre til store endringar i bekkeklyftens økosystem.

I den samla vurderinga legg NVE vekt på at Fjellbekken kraftverk inneber eit inngrep med betydelige negative konsekvensar for ållmenne interesser, sett i forhold til den relativt vesle kraftmengda som vil bli produsert. NVE har også vurdert den samla belastinga på vassdragsnaturen i Kårøydalen til å verte sterkt påverka dersom alle prosjekta i dalen vert realisert.

Vi kan ikkje sjå at avbøtande tiltak vil redusere skadeverknadene for ålmenne interesser til eit nivå som etter vårt syn vil vere akseptabelt. Vurderinga byggjer på dei negative konsekvensane endra vassføring kan medføre for naturmangfald og landskapsbilete.

Les meir om Fjellbekken kraftverk på www.nve.no/konsesjonsnyheter

Kontaktpersonar:
Seniorrådgjevar Auen Korbøl, tlf 22 95 93 44
Seksjonssjef Øystein Grundt, tlf. 22 95 93 89, mobil 901 98 216