Statens vegvesen gjer naudsynt vedlikehald på Riksveg 15 Måløybrua. Skadar på brua skal reparerast, og vi monterer anlegg for katodisk vern, noko som hindrar at armeringa rustar.

Arbeidet starta våren 2018, og skal vera ferdig til november 2021.

Dette er dei nye konsekvensane

På grunn av stillas under brua vil seglingshøgda vere lågare enn normalt. Seglingsmønsteret må difor mellombels endrast, i eitt seglingsløp om gongen. Frå 21. juni 2021 flyttar arbeidet frå austre seglingsløp, og vi vil no starta i vestre seglingsløp.

Vi ber alle som planlegg å segla i området om å halda seg oppdatert om endringane, og kva som er gjeldande seglingsmønster til ei kvar tid.

Kystverket har oppretta ei Facebook-side for å formidla oppdatert informasjon om trafikktilhøva under Måløybrua i vedlikehaldsperioden. Vi oppmodar alle sjøfarande om å fylgja denne sida. Her kan ein også stilla spørsmål.

Les meir på Kystverket sine nettsider.

Dette er jobben som gjerast på brua

Vedlikehaldsarbeidet er for det meste på undersida av brua, men det trengst ein del utstyr, tilkomst, kranar og biloppstilling for å jobba trygt.

Dette gjer at halve vegbanen er arbeidsområde med tung sikring. Trafikken vert leia med lysdirigering i det andre køyrefeltet.

Vegvesenet er byggherre på prosjektet men det er Kystverket som kan svara på spørsmål om båttrafikken.

Kontaktperson i Kystverket er losoldermann Kjell Asle Djupevåg, Vestlandet losoldermannskap, telefon 958 33 403.