2. mars byr UiT på seg sjølv for alle som er interesserte i å begynne å studere. For at alle nysgjerrige skal få sjå kor utruleg mykje verdas nordlegaste universitet har å by på, held vi over 60 miniførelesingar og inviterer til over 30 ulike aktivitetar frå våre fagmiljø.

Nærmare 1000 elevar frå vidaregåande skular i regionen kjem, men alle som er nyfikne på høgare utdanning eller lurer på om dei skal begynne å studere er hjarteleg velkomne.

Vi inviterer til ei rekke særs ulike og spennande aktivitetar kor ein kan gå på alt frå låtskrivercamp til luktequiz, fange CO², delta i ei rettssak, eller dra til Polhavet i VR-briller – og mykje, mykje meir!

I over 60 forskjellige miniførelesingar tilbyr vi program- og utdanningspresentasjonar, men òg førelesingar om samfunnsaktuelle og kuriøse tema som mellom anna:

• Kor går vegen vidare i Ukraina?
• Kan ein sosiolog forske på sædbankindustrien?
• Kvifor har Leonardo DiCaprio berre unge kjærastar?
• Kva er vippepunkta i jordas klimasystem?

Og det er ikkje alt! Det vert òg stands, omvisingar, og høve til å spørje om alt ein lurer på om UiT og høgare utdanning.

Les meir om føredraga og aktivitetane på https://uit.no/skole/apendag/tromso. Der finn du òg alt du treng av praktisk informasjon.

Vi inviterer pressa til å kome og sjå, og snakke med noverande og potensielt framtidige studentar. Det vil sjølvsagt òg vere mogleg å intervjue tilsette hjå UiT.

Kontakt Stine Holand for meir informasjon: 901 34 190 / stine.holand@uit.no