Stor feiring av ny redningsskøyte i Leikanger

– Eg er veldig glad og stolt over å få være gudmor for den nye redningsskøyta! Det har vore fantastisk å få lov til å døype den her i dag, seier gudmor til «Uni Sognefjord», Karen Reinholdsen. 

Dette er den fyrste redningsskøyta med base i Sognefjorden. Basen i Leikanger vil kunne yte støtte for alle som ferdast på sjøen i langstrakte fjorden. 

– Med «Uni Sognefjord» sørgjer vi for ei vesentleg styrking av beredskapen i Sognefjorden. Vi er glad for endeleg å vere til stades her kor det er mykje båttrafikk, seier Rikke Lind, generalsekretær i Redningsselskapet. 

«Uni Sognefjord» er ein båt i «Staff-klassen», lett og rask, men samstundes stor slepekraft og moglegheit til å frakte vannscooter. Dette gjer den til ei fleksibel redningsskøyte tilpassa mange ulike oppdrag og situasjonar. Stiftelsen Uni har finansiert største delen av den nye redningsskøyta, og tillegg har fleire kommunar i Sognefjorden og lokalt næringsliv vore med i spleiselaget. 

- Det er flott - og det kjennes trygt å sjå Redningsselskapets skøyter langs heile den norske kystlinja. Vi kan aldri få gjort nok når det gjeld å overvake kysten. Redningsselskapet er truleg den ideelle organisasjonen i landet som har mest støtte i det norske folk, seier forretningsførar Odd Ekholt i Stiftelsen UNI.  

Det er sjøredningskorpset (RSRK) i Leikanger som får æra av å bruke den nye redningsskøyta. Mange dugnadstimar har gått med, og vil gå med, for å gjere det endå tryggare for dei som ferdast på fjorden. Leiaren i korpset opplevde sjølv ei tragedie i sommar då svogeren hamna i sjøen i Dalsfjorden på fisketur 18. juli. Han er framleis sakna. 

- Arbeidet med å byggje opp sjøredningskorpset her lokalt har fått ein ny dimensjon når ein samstundes deltek i søket etter eit sakna familiemedlem. Ein veit aldri når ulukka skjer men vi kan alle yte ein innsats for å førebu oss og styrke sjøtryggleiken for å redde liv og berge verdiar, seier Arne Inge Synnevåg, leiar i RSRK Leikanger. 

Sjå bilder fra skipsdåpen HER

Fakta RS 167 ”UNI Sognefjord”

Lengde: 12,6 meter
Motor: 2x 500 hk FPT
Fremdrift: Rolls Royce vannjet
Materiale: Glassfibersandwich
Toppfart: 45 knop +