Sparebanken Vest betrar resultatet frå ifjor
- Banken leverer eit godt resultat i kvartalet og for halvåret. Resultatet er prega av flat kostnadsutvikling og auka netto renteinntekter. Samstundes gjev banken sitt målretta arbeid over tid på kredittsida positive effektar gjennom låge tap, seier konsernsjef Jan Erik Kjerpeseth i Sparebanken Vest.
For andre kvartal isolert var resultatet før skatt på 436 (504) millionar kroner og ein eigenkapitalavkastning på 10,7 % (15,0 %). Resultatet for same periode i fjor var påverka av netto positive eingongseffektar på 59 millionar kroner.
Låge tap
Netto renteinntekter var i andre kvartal 631 millionar kroner mot 601 millionar kroner i same periode i fjor. Andre kvartal viser låge nedskrivingar på utlån og garantiar på til saman 21 (16) millionar kroner, der 3 millionar er gruppenedskrivingar.
- Sparebanken Vest har god diversifisering og kvalitet i utlånsporteføljen. Utviklinga til no i år, kombinert med betre makroøkonomiske signal, tilseier at tapsanslaget for året som heilskap vert noko lågare enn intervallet 150-175 millionar kroner som tidlegare er kommunisert, forklarar Kjerpeseth.
Stabilt låge kostnadar
Driftskostnadane er 360 (418) millionar kroner i kvartalet. Kostnadsutviklinga er og flat samanlikna med fyrste kvartal.
- Vi er særs nøgd med kostnadsutviklinga i ei tid der omstillings- og utviklingstakten i banken er høg. Vi forventar at kostnadane vert på dagens nivå og framover, seier Kjerpeseth.
Positiv utvikling i Eiendomsmegler Vest
Eiendomsmegler Vest hadde eit sterkt andre kvartal med eit resultat før skatt på 10,1 (-0,3) millionar kroner og ein topplinevekst på 13,5 % samanlikna med andre kvartal 2016.
- Utviklinga har vore positiv i banken sitt meklarføretak gjennom fyrste halvår. Vi ser at bustadmarknaden utviklar seg ulikt frå region til region, med prisoppgang i Stavanger og eit moderat fall i prisane i Bergen. Sjølv om resultata for Eiendomsmegler Vest viser god betring frå 2016, vert det fortsatt arbeidt for fullt med å styrke marknadsposisjonen ytterlegare og effektivisere drifta, fortel Jan Erik Kjerpeseth.
Delen av resultat frå tilknytta selskap er innarbeidd etter eigenkapitalmetoden med til saman 20 (38) millionar kroner i andre kvartal 2017. Akkumulert for fyrste halvår 2017 er bidraget frå tilknytta selskap 48 (47) millionar kroner.
- Bidraget frå tilslutta selskap er i andre kvartal negativt påverka av at Frende Skade i kvartalet hadde fleire krav grunna store brannskader. Den underliggende utviklinga i Frende Forsikring, som markerte sitt 10 års jubileum i juni, er likevel særs gledeleg. Frende Skade hadde ved utgangen av juni nærare 142,000 kundar, opp frå 126,000 på same tidspunkt i fjor. Selskapet har ambisjonar om vidare vekst, og inngjekk i andre kvartal ein avtale med det nyetablerte selskapet Trumf Forsikring AS om forsikringsformidling med Frende Forsikring. Avtalen vil ytterlegare styrke Frende si distribusjonskraft, seier konsernsjefen i Sparebanken Vest.
Høg kundeaktivitet
Sparebanken Vest har som målsetjing ytterlegare auka vekst i utlån til personmarknaden, trass i eit strammare regulatorisk utlånsregime.
- Konkurransen i marknaden er sterk, men banken opplever høg kundeaktivitet og har ein vekst i utlån til personkundar siste 12 månader på 6,8 prosent trass i strengare regulering frå styresmaktene. Sparebanken Vest er lokalt til stades og vi ser at vår forretningsmodell verkar. I bedriftsmarknaden opplever banken god tilgang på prosjekter i SMB-segmentet, og vi er selektive basert på lønsemd og kapitalbinding på prosjekta. Veksten siste 12 månader i bedriftsmarknaden er 6,6 prosent, fortel konsernsjef Jan Erik Kjerpeseth.
Sterk auke i fondssparing
Låge renter på innskot og gode digitale sjølvbeteningsløysingar bidreg til at båe delen nye spareavtalar og sparevolum i fond aukar.
- Våre kundar ynskjer betre avkastning på sparepengane sine og det siste året har det vore ei auke i nye spareavtalar på 14 prosent og den totale forvaltningskapitalen i fond har auka med 34 prosent til over ni milliardar kroner, seier Jan Erik Kjerpeseth.
Solid kapitaldekning
Rein kjernekapitaldekning er 14,7 % ved utgangen av andre kvartal. Dette er i tråd med banken sitt mål. Dagens kapitalsituasjon vert rekna som solid, og banken er tilstrekkeleg kapitalisert til og å møte framtidige annonserte krav.
- Resultata for fyrste halvår i 2017 viser at den positive utviklinga frå 2016 fortset. Banken held difor fast ved målsetjinga om ei langsiktig eigenkapitalavkastning på over 11 %, samt ein utdelingsgrad for eigenkapitalbeviseigarane sin del av overskotet for 2017 i midtre intervall av banken si utbyttepolicy, avsluttar Kjerpeseth.
HOVUDTAL FYRSTE HALVÅR 2017 (2016 I PARENTES):
Resultat før skatt 868 MNOK (826 MNOK, ekskl. eingongseffektar 771 MNOK)
Resultat/utvanna resultat pr eigenkapitalbevis: 2,54 kr (2,71 kr)
Rentenetto (annualisert): 1,48 % (1,50 %)
Kostnadsprosent: 44,5 % (48,6 %)
Eigenkapitalavkastning (ROE) (annualisert): 10,7 % (11,9 %, ekskl. eingongseffektar 10,7 %)
HOVUDTAL ANDRE KVARTAL 2017 (2016 I PARENTES):
Resultat før skatt: 436 mkr (504 mkr, ekskl. eingongseffektar 445 mkr)
Resultat/utvanna resultat pr eigenkapitalbevis: 1,28 (1,73) kr
Rentenetto (annualisert): 1,49 % (1,49 %)
Kostnadsprosent: 44,7 % (45,9 %)
Eigenkapitalavkastning (ROE) (annualisert): 10,7 % (15,0 %, ekskl. eingongseffektar 12,4 %)
Presentasjon:
Sparebanken Vest presenterer rekneskapstall for andre kvartal torsdag 24. august på arrangementet «Hordaland på Børs» på Scandic Flesland Airport, Lønningsvegen 9, i Bergen. Presentasjonen starter ca. kl. 15.15.
Nøkkelord
Kontakter
Jan Erik Kjerpeseth, konsernsjef, tel: 951 98 430
Frank Johannesen, konserndirektør, tel: 952 65 971
Bjarte Fauske, økonomisjef, tel: 915 61 698
Lars Ove Breivik, informasjonssjef, tel: 415 06 999, e-post: lars.breivik@spv.no
Bilder
Lenker
Om Sparebanken Vest
Sparebanken Vest er landets tredje største sparebank. Vi er et komplett finanshus for mer enn 290.000 person- og bedriftskunder. Vi er stolt over å være et selvstendig finanskonsern med hovedkontor i Bergen med en sentral rolle i mye av den verdiskapningen som skjer på Vestlandet.
Følg pressemeldinger fra Sparebanken Vest
Registrer deg med din e-postadresse under for å få de nyeste sakene fra Sparebanken Vest på e-post fortløpende. Du kan melde deg av når som helst.
Siste pressemeldinger fra Sparebanken Vest
Ser lysere ut for vestlandsbedriftene21.3.2024 08:07:30 CET | Pressemelding
Etter et bratt år for mange, forteller Vestlandsbedriftene at de ser lysere på fremtiden. – Vi er inne i en positiv trend, melder Tore Netland i rogalandsbedriften Alf I Larsen.
Vestlandskonferansen: Handlekraftprisen går til Framo6.2.2024 15:27:56 CET | Pressemelding
Vestlendingane har talt: Bergensbedrifta Framo er Vestlandet si mest handlekraftige bedrift. Framo tok imot Handlekraftprisen på Vestlandskonferansen i Grieghallen tysdag.
Vestlandet motstrøms: Typiske vestlandsnæringer klarer seg best2.2.2024 11:50:39 CET | Pressemelding
– Vi har vært tro mot det vi virkelig kan, å bygge fiske- og brønnbåter! Det sier Jarle Gunnarstein fra Larsnes mekaniske verksted. Sunnmøringene har vunnet på standhaftigheten, for den ferske Vestlandsindeksen viser at de typiske vestlandsnæringene går mot strømmen i lavkonjunkturen vi er inne i.
Sparebanken Vest med historisk støtte til Brann: – En milepæl for like muligheter i fotballen16.11.2023 13:15:00 CET | Pressemelding
Sparebanken Vest fyller 200 år og feirer med å gi 43 millioner kroner i støtte til SK Branns oppgraderinger av Stadion og treningsanlegget på Nymark. Nå skal Branns kvinne- og herrelag trene og spille kamper på samme bane.
Vestlandsindeksen viser: Oppsagde frå byggebransjen finn jobb innan energi6.10.2023 08:11:24 CEST | Pressemelding
— Her er det gode utsikter til å få jobb, og det er kjekt med mange nye kollegaer. Det seier sveisar Marius Rødland, som er i ferd med å montere ei kran hos PSW Technology på Mongstad. Harde tider i mellom anna bygg- og anleggsbransjen gir mobilitet i arbeidsstyrken som særleg energisektoren dreg nytte av.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom