Så mange medarbeidarar er vaksinerte på sjukehusa på Vestlandet

– Det viser at sjukehusa jobbar godt og systematisk med å vaksinera alle medarbeidarane sine. Det gir tryggleik for både pasientane som skal behandlast på sjukehusa og medarbeidaranesjølv. Vaksinasjon er, som regjeringa og FHI har påpeika lenge, vegen ut av pandemien, seieradministrerande direktør i Helse Vest, Inger Cathrine Bryne.   

Ferske tal frå Helse Vest viser at nær allemedarbeidarar på sjukehusa i Helse Fonna, Helse Førde, Helse Stavanger og Helse Bergen vaksinerer seg. 

Over 40 prosent fått tredje dose  

Over 32 700 medarbeidarar i sjukehusa i vest har fått første dose. Over 31 300 medarbeidarar har teke dose to, medan det til no er over 13 400 av medarbeidarane som også har fått den tredje dosa.Tala inkluderer ikkje berre faste tilsetja, men studentar, vikarar, avtalespesialistar og andre medarbeidarar som har eit aktivt stillingsforhold på sjukehusa. Det er og viktig å hugsa på at talet ikkje kan bli nøyaktig hundre prosent, for nokre medarbeidarar skal ikkje ta alle dosane - til dømes dei som allereie har vore smitta med korona.   

–  Kvar einasteein av dei over 30 000 medarbeidarane i Helse Vest er viktige for at pasientane skal få trygge og gode helsetenester. Derfor er det gledeleg å sjå at over 40 prosent av medarbeidaraneallereie har fått tredje dose, held Bryne fram.  

I januar vil dei aller fleste medarbeidarane i Helse Vest truleg ha fått tredje dose. Grunnen til at det ikkje skjer før er at alle må ha eit intervall på fire og ein halv månad mellom andre og tredje dose.