Nytt språkforskingsprosjekt: Skal finne ut korleis vi planlegg kva vi skal seie
– Eksperimentet er ganske enkelt. Som deltakar vil du lese enkelte ord og korte frasar på ein skjerm og svare på enkle spørsmål over eit par hovudtelefonar, fortel forskingsleiar Jade Sandstedt.
Forskingsleiaren er førsteamanuensis ved Institutt forspråk og litteraturved Høgskulen i Volda (HVO) og postdoktor ved Institutt for språk og kultur ved UiT - Noregs arktiske universitet.
Sandstedt seier at målet med denne undersøkinga er å betre forstå korleis språkbrukarar planlegg grammatiske strukturar i setningar før dei snakkar, og korleis planlegginga og produksjonen deira er påverka av ulike grammatiske faktorar.
– Vi snakkar og lyttar til språk kvar dag utan å tenkje over det, men viss du stoppar opp og tenkjer over kor kompleks alle prosessane er som ligg bak menneskeleg taleplanlegging og taleproduksjon, er det eit under at vi kan kommunisere i det heile.
For å kunne snakke, må vi koordinere over hundre individuelle musklar i vokaltrakta vår, ifølgje Sandstedt.
– Og sjølv før det må vi først velje ut dei riktige orda, byggje setningsstrukturar, bøye ord, setje saman talelydar, kombinere dei i stavingar og intonasjonsfrasar og kode alt dette ned til den finaste fonetiske detaljen.
– Ein delikat dans
Forsking viser at taleplanlegging er trinnvis, som vil seie at vi ikkje fullt ut planlegg heile setningar frå start til slutt før vi byrjar å snakke. Vi planlegg i delar og fullfører planlegginga av komande ord og ordgrupper samstundes som vi artikulerer setninga.
– Det er ein delikat dans å koordinere taleplanlegging og taleproduksjon i kontinuerleg, og det er utruleg kor raskt hjernen gjer dette. Forsking viser at vi kan byrje å snakke berre 200 millisekund frå når vi byrjar å planlegge kva vi skal seie, fortel Sandstedt.
Vi veit imidlertid relativt lite om korleis taleplanlegging fungerer i praksis, legg han til. Spesielt språk med meir unike prosodiske system som norsk og svensk, som har tonelag, som krev at vi uttalar bestemte intonasjonsmønster over fleire ord samtidig.
MAGLU-student er forskingsassistent
Institutt for språk og litteratur ved HVO har fleire bachelor- og masterprogram med fokus på språk og språkvitskap. Daniel Svindseth Pettersen er masterstudent i grunnskulelærarutdanninga (MAGLU), og forskingsassistenten til Sandstedt.
– Vi likar å integrere forskinga vår i undervisninga vår, og det er artig å få jobbe tettare saman med studentane våre på slike prosjekt som dette, seier Sandstedt.
Svindseth Pettersen har alltid vore nysgjerrig på språk. Før han kom til Høgskulen i Volda, studerte han to år med japansk i Bergen.
– Eg tykkjer forsking generelt er ganske stilig å vere med på. No fekk eg sjansen til å vere med på forskingssida, seier han og held fram:
– Ved å vere med på dette eksperimentet får eg god innsikt korleis alt det praktiske bak kulissene går føre seg.
Så, kor langt framover planlegg vi i norsk taleplanlegging- og produksjon, og kva grammatiske faktorar påverkar storleiken og forma til planleggingseiningane? Ved å studere fine fonetiske skilnadar i deltakarsvara håpar forskarane å kaste meir lys over dette, og skaffe viktig innsikt i korleis det fungerer.
Er du over 18 år, utan lesevanskar og har norsk som fyrste språk, vil forskarane ha deg med på laget som deltakar i eksperimentet. Du kan melde deg på med timebestilling HER.
Eksperimentet er delt inn i to økter med minst ei veke mellomrom. Etter å ha fullført den andre økta får du som takk for deltakinga eit GoGift supergåvekort til ein verdi av 250 kroner.
Nøkkelord
Bilder
Om Høgskulen i Volda
Midt imellom fjord og fjell finn du studiebygda Volda. Med sine 4600 studentar og 350 tilsette er Høgskulen i Volda blant dei største utdanningsinstitusjonane mellom Bergen og Trondheim. Volda er kjent for aktive studentar, og høgskulen tilbyr nokre av landets leiande medieutdanningar og tradisjonsrike lærarutdanningar.
Følg pressemeldinger fra Høgskulen i Volda
Registrer deg med din e-postadresse under for å få de nyeste sakene fra Høgskulen i Volda på e-post fortløpende. Du kan melde deg av når som helst.
Siste pressemeldinger fra Høgskulen i Volda
Startar ny naturfagutdanning ved Høgskulen i Volda10.4.2024 10:41:57 CEST | Pressemelding
Berekraft, pandemi og klimakrise er ord som pregar nyheitsbiletet. For at folk både skal kunne undervise i og forstå betre slike komplekse tema, satsar Høgskulen i Volda på eit splitter nytt og fleksibelt studium innan naturfag.
Ei gledeleg førjulsgåve21.12.2023 10:18:59 CET | Pressemelding
Det er for tidleg å sprette kaka, men Høgskulen i Volda (HVO) får etter alle julemerke godkjent sin første eigne doktorgrad: ph.d. i utdanning, språk og kultur.
Seminar om kunstig intelligens7.11.2023 09:41:31 CET | Presseinvitasjon
Høgskulen i Volda tek initiativ til eit dykk inn i temaet kunstig intelligens (KI), og har invitert folk frå fylkeskommunen, kommunane, privat næringsliv, frivillige organisasjonar, studentar og andre som er interesserte i KI til eit gratis KI-seminar torsdag 9. november.
Doktordisputas: Elisabeth Busengdal30.10.2023 12:59:49 CET | Presseinvitasjon
Fredag 24. november skal Elisabeth Busengdal forsvare avhandlinga si for doktorgraden i helse- og sosialfag på Høgskulen i Volda.
Nasjonalbiblioteket under lupa i ny bok28.9.2023 06:03:00 CEST | Pressemelding
Kva driv eigentleg Nasjonalbiblioteket med når dei får digitalisere heile kulturarven vår? Dette og meir granskar professor Henrik G. Bastiansen i ei ny bok etter fem års forsking.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom