NVE tilrår bygging av ny kraftleidning og transformatorstasjon på Haugalandet
Grunna industriutvikling og meir forbruk ønskjer Statnett å byggje ein ny 420 kV kraftleidning inn til Haugalandet.
– Vi meiner at leidningen og den nye transformatorstasjonen er naudsynt for å leggje til rette for den planlagde industri- og samfunnsutviklinga i regionen, seier Inga Nordberg, direktør i energi- og konsesjonsavdelinga til NVE.
NVE tilrår at Statnett må ha signert avtale om anleggsbidrag med minst ein større kunde før dei startar bygginga av leidningen.
Det er Olje- og energidepartementet (OED) som no tek over sakshandsaminga og tek den endelege avgjerda.
NVE tilrår følgjande trasé for leidningen
Leidningen vil vere om lag 88,4 km lang. Den skal gå gjennom kommunane Kvinnherad og Etne i Vestland fylke, og Vindafjord og Tysvær i Rogaland fylke. Det har vore vurdert ei rekkje traséalternativ på ulike strekningar på leidningen, ei oversikt over desse finn ein i søknaden og i NVE si innstilling. Etter ei vurdering av dei samla konsekvensane, tilrår NVE at leidningen bør byggjast som luftleidning i følgjande trasear:
- Frå Blåfalli koplingsstasjon i Kvinnherad kommune til Litledalen i Etne kommune i trasé 1.0A.
- Frå Litledalen i Etne via Strypeheiane til næringsområdet på Nerheim i Vindafjord kommune i trasé 1.0B2-1.0C2-1.0C.
- Frå Nerheim til Skjoldastraumen via Tørsdal i Vindafjord og Tysvær kommunar i trasé 1.0D-1.52.
- Frå Skjoldastraumen via Dueland, Sauahøgda og Klovning til Gismarvik transformatorstasjon i Tysvær kommune i trasé 1.0F2-1.0G-1.0G3-1.0H.
Tilrår tiltak for å redusere ulempene
– Utbygginga vil gje verknader for naturmangfaldet og ålmenta. Av dei traseane Statnett har søkt om, har vi difor vore opptatt av å finne den traseen som gir minst negative verknader for areal, miljø, busetnadar og jordbruk, understrekar Nordberg.
For å redusere ulempene for omgjevnadene, tilrår NVE at Statnett vert pålagd å utføre ei rekkje tiltak. Eit eksempel er avgrensa skogrydding under spenna på begge sider over Åkrafjorden, Stordalsvatnet i Etne, Førlandsfjorden, og på fleire strekningar i Etne og Tysvær. NVE tilrår at det vert sett igjen vegetasjon som skjerming ved Blåfalli koplingsstasjon og ved busetnader på Klovning i Tysvær.
NVE tilrår vidare at Statnett vert pålagd å montere fugleavvisarar på leidningen på strekningen over Frønsdal i Vindafjord, over Skjoldafjorden til Vårå, ved Erlandstjørna og Storavatnet i Tysvær. Statnett bør òg påleggjast å montere fugleavvisarar på spenna over Åkrafjorden, Stordalsvatnet og Førlandsfjorden.
Tilpassa anleggsarbeid
NVE tilrår at det vert sett vilkår om at Statnett unngår anleggsarbeid i hekketida for rovfugl på enkelte strekningar i Etne og Tysvær.
Anleggsarbeid og bruk av helikopter kan òg forstyrre beitedyr og jakt. Statnett bør difor påleggjast å informere i god tid og ha dialog med grunneigarar med beitedyr og jaktvald for hjortejakt.
NVE tilrår at det vert sett vilkår om at det skal utarbeidast ein miljø-, transport- og anleggsplan (MTA-plan), som vil tryggje at Statnett tek berørte interesser med på råd. Det gjeld både i detaljplanlegginga og i gjennomføringa av anleggsarbeid og skogrydding. Planen skal godkjennast av NVE før anleggsstart.
Tilrår ikkje sjø- eller jordkabel
NVE tilrår ikkje å byggje sjø- og jordkabel på denne strekninga.
– Vi meiner kabel vil innebere ein for høg risiko for drifta av straumnettet i området, og for dårleg kvalitet i straumforsyninga. Dette er i samsvar med Statnett si vurdering. I tillegg vert kostnadane svært mykje høgare enn for luftleidning. Dette er kostnader som eventuelt må dekkjast inn som ein del av nettleiga. NVE tilrår heller ikkje sjø- og jordkabel som avbøtande tiltak på mindre delar av strekninga. Sjø- og jordkabel gjev òg store inngrep i naturen i likskap med luftleidning, seier Norberg.
Saka er no avslutta hjå NVE og OED tek over den vidare sakshandsaminga. Les meir på NVE sin nettstad.
Nøkkelord
Kontakter
NVEs pressetelefon
Tel:489 97 667pressevakt@nve.noBilder
Om Norges vassdrags- og energidirektorat (NVE)
Noregs vassdrags- og energidirektorat (NVE) har ansvar for å forvalte Noregs vatn- og energiressursar. NVE varetek også dei statlege forvaltningsoppgåvene innan skredførebygging. NVE skal sikre ei heilskapleg og miljøvennleg forvaltning av vassdraga, fremje ei effektiv kraftomsetning, kostnadseffektive energisystem og hjelpe til ein effektiv energibruk.
Følg pressemeldinger fra Norges vassdrags- og energidirektorat (NVE)
Registrer deg med din e-postadresse under for å få de nyeste sakene fra Norges vassdrags- og energidirektorat (NVE) på e-post fortløpende. Du kan melde deg av når som helst.
Siste pressemeldinger fra Norges vassdrags- og energidirektorat (NVE)
Stor interesse for å bygge ut fornybar kraft i Finnmark25.4.2024 08:00:00 CEST | Pressemelding
Da NVEs frist gikk ut mandag denne uken var det meldt inn 26 kraftprosjekter i Finnmark. Det er langt flere enn det vil være kapasitet til, selv ved en kraftig oppgradering av strømnettet i fylket. Nå starter arbeidet med å prioritere de beste prosjektene. Dette arbeidet vil skje i tett dialog med kommunene.
Nå blir det enklere for flere å følge med på utviklingen av strømnettet19.4.2024 14:15:04 CEST | Pressemelding
Nå kan kommuner, næringsliv og andre interesserte følge med på utviklingen av strømnettet. Nylig ble det obligatorisk for nettselskapene å legge ut alle fremtidige og pågående utbyggingsplaner på PlanNett.
Rolig start på snøsmeltingen i Sør-Norge19.4.2024 13:35:32 CEST | Pressemelding
Snøsmeltingen har startet så smått og det er mer vann enn normalt i vassdragene i Sør-Norge. NVE oppfordrer alle til å forebygge flomskader, ved abonnere på flomvarsler og å rense sluk, grøfter og rør frie for is, kvist og løv.
NVE gir konsesjon til nye Krossberg transformatorstasjon i Stavanger9.4.2024 16:07:48 CEST | Pressemelding
Statnett SF og Lnett AS får konsesjon til å bygge og drive nye Krossberg transformatorstasjon i Stavanger kommune. Samtidig har de fått lov til å rive deler av Stølaheia transformatorstasjon.
NVE gir Statnett tillatelse til å bygge ny koblingsstasjon i Vestby22.3.2024 16:07:33 CET | Pressemelding
Statnett har fått konsesjon til å bygge nye Langerud koblingsstasjon i Vestby kommune. NVE har samtidig gitt tillatelse til å forsterke kaia ved Nesset for å kunne ta imot transport som kommer sjøveien.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom