Namsosbanen og strekninga Røste-Dokka på Valdresbanen tas ut av det nasjonale jernbanenettet
Namsosbanen og Valdresbanen er to såkalla sidebanar på det norske jernbanenettet. Ingen av dei to ikkje-elektrifiserte banane har i dag regulær togtrafikk.
Lokal støtte for å ta Namsosbanen ut av jernbanenettet
Namsosbanen er den 52 kilometer lange sidebanen til Nordlandsbanen mellom Grong og Namsos. Det har ikkje vore regulær trafikk på banen på mange år, og kvaliteten på infrastrukturen er for låg til å drive togtransport. Traseen er i ferd med å gro att, og banen er utsett for ras og flaum fleire stader, slik at tryggleiken er dårleg.
Bane NORs utrekningar viser at det vil vere samfunnsøkonomisk ulønsamt å gjennomføre tiltak som gjer det mogleg med togtrafikk på Namsosbanen. Ifølgje Jernbanedirektoratet og Bane NOR vil nytteverdien vere større ved å frigi banen til andre formål enn å oppretthalde strekninga slik ho er i dag. Namsos kommune støttar denne vurderinga.
Frigir nesten heile Valdresbanen til andre formål
Valdresbanen er den 47 kilometer lange sidebanen til Gjøvikbanen mellom Eina og Dokka. Valdresbanen har korkje hatt regulær trafikk eller blitt vedlikehalden på mange år, og banen er i dårleg forfatning. Vurderinga til Bane NOR er at det ikkje vil vere mogleg å køyre tømmertog på strekninga Eina–Dokka utan ei fullstendig opprusting av infrastrukturen.
I ei høyringsrunde i regi av Bane NOR om framtida til Valdresbanen stilte tidlegare Oppland fylkeskommune og dei fleste aktuelle kommunane seg positive til å frigi den 42 kilometer lange strekninga Røste–Dokka til andre formål. For strekninga Eina–Røste bør ein inntil vidare vente på endeleg avklaring om etablering av tømmerterminal på Røste.
Vidare prosess
Med frigiving av strekningar til andre formål enn togtrafikk følgjer det formelle prosessar knytt til delvis vederlagsfri avhending og etterbruk. Bane NOR har ansvar for opprydding på strekningane.
Om det nasjonale jernbanenettet
Det nasjonale jernbanenettet er den statlege jernbaneinfrastrukturen for persontransport og/eller godstransport, og som blir forvalta av Bane NOR. Dette avgrensar moglegheitene til anna arealbruk innanfor ei sone på 30 meter på kvar side av traseen. Så lenge strekningane er rekna som ein del av det nasjonale jernbanenettet, kan areala ikkje nyttast til andre formål.
For fleire opplysningar – sjå:
Prop. 193 S (2020-2021) Nokre saker om luftfart, veg, særskilde transporttiltak og jernbane
Nøkkelord
Om Samferdselsdepartementet
Samferdselsdepartementet har det overordnede ansvaret for rammevilkår for postvirksomheten, for luftfarts-, vei- og jernbanesektoren og for riksveiferjene.
Følg pressemeldinger fra Samferdselsdepartementet
Registrer deg med din e-postadresse under for å få de nyeste sakene fra Samferdselsdepartementet på e-post fortløpende. Du kan melde deg av når som helst.
Siste pressemeldinger fra Samferdselsdepartementet
Fem forskningsprosjekter får penger fra Samferdselsdepartementet17.4.2024 12:10:41 CEST | Pressemelding
Av-ising av nullutslippfly og datadrevet salting av vei er to av teknologiprosjektene som nå får penger fra Samferdselsdepartementet. Det er Forskningsrådet som har utpekt de fem prosjektene, som får 40 millioner kroner.
Regjeringen med penger til Bodø og Ålesund16.4.2024 11:11:48 CEST | Pressemelding
– Regjeringen har satt av i 31 millioner kroner til mindre byer utenfor ordningen med byvekstavtaler. Dette er et løft for at Bodø og Ålesund skal bli grønnere byer med bedre fremkommelighet, sier samferdselsminister Jon-Ivar Nygård.
E134 Oslofjordforbindelsen byggetrinn 2: Eit steg nærare ny tunnel5.4.2024 12:00:16 CEST | Pressemelding
Regjeringa har lagt fram proposisjon for utbygging og finansiering av prosjektet E134 Oslofjordforbindelsen byggetrinn 2 i Akershus.
Rv. 13 Lovraeidet-Rødsliane: Eit viktig steg nærare realisering av tunnel i skredutsett område5.4.2024 11:59:27 CEST | Pressemelding
Regjeringa har lagt fram proposisjon om fastsetting av kostnadsramme for prosjektet rv. 13 Lovraeidet-Rødsliane.
Regjeringa legg fram proposisjon om delvis bompengefinansiering22.3.2024 14:04:38 CET | Pressemelding
- Denne bypakka skal realisere ny Risøy bru, fleire veg- og gateprosjekt, ei rekke gang- og sykkelvegar, saman med både tiltak for betre kollektivtilbod og trafikksikring. Vi legg opp til at minst halvparten av pengane i pakka skal gå til gonge, sykkel og kollektiv, som er i tråd med regjeringa sitt ønske om attraktive og klimavennlege byar, seier samferdselsminister Jon-Ivar Nygård.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom