Magnus Steigedal blir ny direktør for Vegtilsynet

– Det er eit viktig og stort samfunnsoppdrag Magnus Steigedal har teke på seg, og eg er glad for at han har takka ja. Vegtilsynet er eit fagleg sterkt tilsyn som jobbar med å ivareta tryggleiken til alle som ferdes på vegen gjennom sitt tilsynsarbeid med riksveginfrastrukturen, seier samferdselsminister Knut Arild Hareide.

Magnus Steigedal er 41 år gammal og har gjennom karrieren blant anna jobba som revisor, finanscontroller og IT-ingeniør i høvesvis Ernst & Young, Sparebank1 Buskerud-Vestfold og i  Kongsberg Defence & Aerospace.

I 2013 blei Steigedal tilsett som økonomisjef i Ullensvang Herad. I 2015 gjekk han over i stillinga som rådmann fram til 2019, da arbeidet med kommunesamanslåing var i gang.  I 2020 fekk han rollen som assisterande rådmann i den nye kommunen.

Steigedal har to bachelorgradar, ein i datateknikk og ein i økonomi og administrasjon. Han  bur på Hovland.

Tidspunkt for oppstart skjer etter nærmare avtale med Samferdselsdepartementet.