Løyve til å bygge Døsjagrovi småkraftverk

Selskapet Døsjagrovi Kraftverk BA, eigd av Luster Energiverk og Harastølen AS, står bak utbygginga. Døsjagrovi kraftverk vil erstatte to tidlegare kraftverk i Døsjagrovi og utnytte eit fall på  om lag 740 m og redusere vassføringa  på ei 2,1 km lang elvestrekning mellom Røssete og Lustrafjorden.

Kraftstasjonen skal plasserast i tilknyting til den gamle kraftstasjon ved riksveg 55. Rørgate skal gravast ned på heile strekninga. For å redusere inngrepsomfanget med rørgate og hjelpeanlegg i den relativt bratte lisida skal nedre del leggast med taubane. Av omsyn til naturmiljøet er det gjeve løyve m.a. på vilkår av at det vert sleppt ei tilsigsavhengig minstevassføring på 150  l/s i sommarhalvåret og 40 l/s resten av året.

NVE har lagt vekt på at Døsjgrovi kraftverk vil vere ei reetablering av tidlegare kraftproduksjon  i Døsjagrovi og medverke til auka fornybar energiproduksjon med avgrensa verknader for allmenne interesser. Med avbøtande tiltak vurderer NVE nytten av tiltaket til å vere større enn skadene og ulempene for private og allmenne interesser og gjev Døsjagrovi Kraftverk BA løyve til å bygge Døsjagrovi kraftverk.

Les meir om Døsjagrovi kraftverk.    

For nærmare informasjon kontakt:
Seksjonssjef Øystein Grundt  22 95 91 89 / 901 98 216
Senioringeniør Magne Geir Verlo  22 95 95 34