Inviterer reiarlaga til samarbeid om ny teknologi på ferje

E39 Lavik – Oppedal var først ute med den første elektriske ferja i verda i 2015. I den nye kontrakten for ferjestrekninga, ber Statens vegvesen om nye teknologiske løysingar.
Nye løysingar
– Me har gode erfaringar med å utfordra reiarlagsnæringa til å finna gode løysingar for å redusera utslepp frå ferjedrifta. No ser me fram til å ta nye steg for innovasjon innan automatisering og digitalisering, seier divisjonsdirektør Bjørn Laksforsmo i Statens vegvesen.
Han seier det er for tidleg å sjå kva dette inneber i praksis.
– Det er heile tida gradar av automasjon. Når det gjeld bilar veit me at det er mange trinn frå ikkje å ha nokon støttesystem til å ha sjølvkøyrande bilar. Me har ikkje ambisjonar om å innføra ubemanna ferjer innanfor denne kontraktsperioden. Men me er ute etter løysingar som gjer at mannskapet har støtte på ein del maritime operasjonar, slik at dei kan fokusera på service og tryggleik for passasjerane, seier Bjørn Laksforsmo.
Betre klima og økonomi
Betre dataflyt gjer det òg enklare å gjera raskare tilpassingar mellom trafikken og tilbodet til trafikantane.
– På sikt kan dette òg bidra til redusert energiforbruk, auka tryggleik og meir ferjedrift for pengane, seier Bjørn Laksforsmo.
Frå Samferdselsdepartementet: Ny ferjekontrakt for E39 Lavik–Oppedal legg til rette for autonome ferjer
– Me er veldig fornøgde med at regjeringa legg til rette for ferjekontraktar som stimulerer til nye teknologiske løysingar. Dette er både til beste for trafikantane og for utviklinga av den maritime næringa i Noreg.
Konkurranseprega dialog
Den nye kontrakten for sambandet E39 Lavik – Oppedal trer i kraft etter at dagens kontrakt går ut i 2024.
Innkjøpet skal skje som konkurranseprega dialog. Dette gir Statens vegvesen moglegheit til å gå i dialog med leverandørane for å diskutera ulike løysingar, utan å gi nøyaktige spesifikasjonar av det som skal skaffast.
Den nye kontrakten skal ha ei varigheit på åtte år, med opsjon på forlenging i inntil 12 månader. Førre gong det var anbod på E39 Lavik-Oppedal, resulterte det i verdas første batterielektriske ferje. I den kommande kontrakten skal sambandet driftast av fire heilelektriske ferjer.
Eit betre rutetilbod til dei reisande
For dei reisande vil den nye kontraktsperioden gi forbetringar i rutetilbodet.
Kapasiteten aukar frå tre til fire ferjer, når dieselferjene blir erstatta med nullutsleppsferjer. Resultatet er at me aukar frekvensen slik at det blir avgang kvart 15. minutt mot dagens 20. minutt. Laurdagar vil tre ferjer trafikkera sambandet, mot dagens to. Den vekefaste kapasiteten på ferjesambandet vil dermed auka med ca. 25 prosent samanlikna med dagens tilbod. Hovudfartøya får krav om å ha ein kapasitet på 120 personbileiningar.
Statens vegvesen skal leggja ut anbodet etter sommaren. Dagens kontrakt for E39 Lavik-Oppedal går ut 31.12.2024 med opsjon på forlenging i inntil 12 månader.
Nøkkelord
Kontakter
Bjørn LaksforsmoDivisjonsdirektørStatens vegvesen Drift og vedlikehold
Tel:41412925bjorn.laksforsmo@vegvesen.noPressevakt Drift og vedlikehold
* Drift, vedlikehold og forvaltning av riksvegnettet * Brøyting/strøing/salting * Asfalt * Rekkverk * Bruer * Tunneler * Fjelloverganger * Rasteplasser * Inspeksjoner * Ferje
Bilder

Om Statens vegvesen
Statens vegvesen arbeider for å skape et smart og sammenhengende transportsystem på vei for hele Norge. Det skal være enkelt å reise og transportere varer – på sikre veier tilpasset framtidens behov.
Følg pressemeldinger fra Statens vegvesen
Registrer deg med din e-postadresse under for å få de nyeste sakene fra Statens vegvesen på e-post fortløpende. Du kan melde deg av når som helst.
Siste pressemeldinger fra Statens vegvesen
Fjerner flaskehals på E1017.9.2025 16:50:00 CEST | Pressemelding
Onsdag ettermiddag åpnet samferdselsminister Jon Ivar Nygård den aller første delstrekningen i OPS Hålogalandsvegen.
Nå starter byggingen av gang- og sykkelveg for E14 Stjørdal-Hegramo17.9.2025 13:46:00 CEST | Pressemelding
Etter en god samhandlingsfase med entreprenør Winsnes AS er det klart for anleggsstart for å bygge gang- og sykkelveg langs E14 mellom Stjørdal og Hegramo.
Avkjøringen fra E18 Fornebukrysset mot Ring 3 Smestad stenger de siste to helgene i september17.9.2025 12:43:15 CEST | Pressemelding
Avkjøringen mot Ring 3 fra E18 Fornebukrysset stenger to helger for å gjennomføre grunn- og elektroarbeider. Omkjøring er skiltet via Fornebu.
Åpner Kåringskrysset ved Lødingen16.9.2025 09:47:58 CEST | Presseinvitasjon
Samferdselsministeren åpner den første ferdige delen av gigantprosjektet OPS Hålogalandsvegen. Nord Norges største samferdselsprosjekt.
Det blir kolonnekjøring til Nordkapp i vinter15.9.2025 14:26:11 CEST | Pressemelding
Til vinteren blir det innført faste tidspunkt for kjøring på E69 til og fra Nordkapplatået.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom