Kva rolle spelar religionar i ei berekraftig samfunnsutvikling?

Arbeidslivet, næringslivet, skulesektoren og mange andre delar av samfunnet arbeidar med å omstille seg til ei berekraftig utvikling, og det verke som om berekraft er den nye religionen alle bør vere ein del av.

Konferansen vil stille spørsmål om kva rolle religionar og livssyn har som leverandør av verdiar for ei berekraftig utviklilng. Vi ser at religion er ei viktig kraft i kulturane og formar våre tankar og handlingar, også i møte med naturen. Vi veit at naturen ikkje berre er ei økonomisk ressurs, men også eit sted som vi er uløyselig knytt ein del av. Korleis kan vi forstå våre djupare haldningar og verdiar i møte med berekraft? Kva er tilhøve mellom naturvitskap og religion i arbeidet for ein global berekraftig utvikling?

– Vi er stolte over å få denne anerkjente konferansen til Noreg. Med Ålesund og Møre og Romsdal som møtepunkt har vi fått svært stor interesse og over forventning mange påmelde, fortel Knut Willy Sæther frå Høgskulen i Volda. Som vertskap for konferansen har han med seg rektorane Annik Magerholm Fet frå NTNU, Steinar Kristoffersen frå Høgskulen i Molde og Johann Roppen frå Høgskulen i Volda. 

– Ålesund vert ein spennande by fylt av vistskapsfolk og tenkjarar. Til dømes kjem alle dei svenske biskopane til Ålesund som har eit sterkt engasjement for tematikken, fortel Sæther.

Nettside: https://www.hivolda.no/ecstxix

Arrangør: European Society for the Study of Science and Theology – ESSSAT

Vertskap: Høgskolen i Molde, Høgskulen i Volda, NTNU Ålesund