Meteorologisk institutt

Farevarsla frå MET blir meir presise

Del

Meteorologisk institutt (MET) vil frå 1. juni sende meir presise farevarsel der det geografiske området for varselet er definert fritt av vakthavande meteorolog.

Gul figur til venstre: Farevarsel basert på fylkesgrenser. Figur til høyre: Nytt, frihandsteikna farevarsel
Gul figur til venstre: Farevarsel basert på fylkesgrenser. Figur til høyre: Nytt, frihandsteikna farevarsel

Før var det vanleg praksis at farevarsla var gyldige i område basert på region- eller fylkesgrenser. Frå 1. juni vil dette bli endra.

– Vi vil sjå meir og meir at grensene til farevarselområdet er teikna med frihand, utan omsyn til region- eller fylkesgrenser. På denne måten blir farevarsla frå MET meir spissa for mottakaren, og den totale mengda farevarsel for den enkelte vert lågare, fortel statsmeteorolog Geir Ottar Fagerlid. 

Unngår unødvendige tiltak

Før var det vanleg at eit heilt fylke fekk eit farevarsel frå MET, sjølv om farevarselet berre gjaldt for ein del av fylket. Med frihandsteikna område vil farevarselet berre bli sendt for området der det er venta at uvêret vil råke. Dermed kan ein også unngå at det blir iverksett unødvendige tiltak i område som ikkje er dekte av farevarselet. 

Ved nokre tilfelle kan farevarselet dekke små område av fleire fylke. Dette vil oftast skje i høgfjella i Sør-Noreg.  

– Eit frihandsteikna område vil vere svært nyttig, særleg i varslinga av lyn og styrtregn. Når vakthavande meteorolog sender eit farevarsel for lyn eller styrtregn, vil det av og til skje i stor hast. Her vil eit fritt definert område gjere at farevarselet raskare blir sendt ut av vakthavande meteorolog, noko som vil vere til stor nytte for beredskapsaktørane, seier Fagerlid.

– Endringa vil gjere farevarsla meir tilgjengelege for alle som brukar Yr, seier prosjektleiar Helen Korsmo. I tillegg vil dei nye farevarsla bli publiserte i eit format som gjer at dei kan visast på internasjonale vêrsider.

Kontakter

Bilder

Gul figur til venstre: Farevarsel basert på fylkesgrenser. Figur til høyre: Nytt, frihandsteikna farevarsel
Gul figur til venstre: Farevarsel basert på fylkesgrenser. Figur til høyre: Nytt, frihandsteikna farevarsel
Last ned bilde

Om Meteorologisk institutt

Meteorologisk institutt
Meteorologisk institutt
Postboks 43 Blindern
0313 Oslo

22 96 30 00http://www.met.no

Følg pressemeldinger fra Meteorologisk institutt

Registrer deg med din epostadresse under for å få de nyeste sakene fra Meteorologisk institutt på epost fortløpende. Du kan melde deg av når som helst.

Siste pressemeldinger fra Meteorologisk institutt

I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.

Besøk vårt presserom