NVE gjev løyve til Sagåna kraftverk i Lund i Rogaland

NVE legg vekt på at ei utbygging av Sagåna kraftverk vil vere eit bidrag til auka produksjon av fornybar energi med avgrensa effektar for miljø og brukarinteresser.

Utbygginga vil nytte fallet mellom 376,5 og 62 moh. i Sagåna. Vassvegen skal gå i tunnel i øvre del, medan nedre del skal vere nedgraven i røyrgate. Det skal byggast 400 m ny veg til reguleringsdammen. Øvre Hovsvatnet skal regulerast mellom 381,5 og 379,5 moh. i perioden 1.oktober til 30.april. Resten av året skal vatnet regulerast mellom 381,5 og 380,5 moh.

For å ta vare på landskap og naturverdiar knytt til elva, er det sett krav om ei minstevassføring i Sagåna på 30 l/s heile året.

Med dei fastsette vilkåra meiner NVE at fordelane ved ei utbygging er større enn skadar og ulemper for private og allmenne interesser. På bakgrunn av dette gjev NVE løyve til bygging av Sagåna kraftverk og regulering av Øvre Hovsvatnet.

Les meir om Sagåna kraftverk

Kontakpersonar:

Seksjonssjef Øystein Grundt, tlf. 22 95 93 89 / 901 98 216
Sakshandsamar Erlend Støle Hansen, tlf. 22 95 98 26