NVE gjev løyve til ny 22 kV kraftleidning Veiski-Siso

NVE gjev òg løyve til å rive den eksisterande fem kilometer lange 22 kV-leidningen mellom Sisovatnet og Siso transformatorstasjon.

Den nye leidningen vil leggje til rette for å knyte det konsesjonsgjevne Veiski kraftverk, med ein årleg produksjon på 20 GWh, til nettet. Leidningen vil òg potensielt kunne knyte ny kraftproduksjon på omlag 10 GWh frå Blåmann kraftverk, som er til handsaming hjå NVE, til nettet.

NVE meiner tiltaket har moderate verknader for miljø og samfunn, og konstaterer at området allereie er belasta med reguleringsmagasin i Sisovatnet, kraftleidningar og anleggsveg.

NVE har sett vilkår for å sikre at anleggsarbeidet i minst mogeleg grad skadar reindrifta, drikkevatn og raudlista plantearter.

Dokumenta i saka finn du på www.nve.no.

Kontaktpersonar:
Seksjonssjef: Siv Sannem Inderberg, tlf.: 90 19 30 08
Sakshandsamar Matilde Anker, tlf.: 22 95 98 90