Ikkje løyve til Svangtjernåni kraftverk

NVE kan la være å sende ein søknad på høyring i særskilte saker der det er klart at søknaden må bli avslått. Dette er eit slikt tilfelle.

Kraftverket var planlagt med ein installert effekt på 4,2 MW og ein årleg produksjon på omlag 10 GWh. 

På elvestrekningen som vert råka er det registrert fleire raudlista artar som er avhengige av fosserøyk. Det er og registrert naturtype boreal regnskog med fosserøykutforming som er ein svært viktig naturtype. Bekkekløfta i nedre del er del av eit større bekkekløftsystem som er vurdert til å vere svært viktig. NVE meiner at Svangtjernåni kraftverk, sjølv med avbøtande tiltak, vil gje alvorleg eller irreversibel skade på naturmangfaldet.

Dei negative konsekvensane står etter NVE sitt syn ikkje i forhold til auka kraftproduksjon eller andre positive effektar av ei utbygging. NVE meiner at dei negative konsekvensane av ei utbygging ikkje kan vegast opp med avbøtande tiltak. NVE vurderer det slik at ei utbygging av vassdraget ikkje er akseptabel i høve til allmenne interesser og gjev difor ikkje løyve til Svangtjernåni kraftverk.

Les meir om Svangtjernåni kraftverk

Kontaktpersonar:
Overingeniør Ingri Guren, tlf 22959159
Seksjonssjef Øystein Grundt, 22959389 / 90198216