Faresonekart skred for Balestrand kommune

- Balestrand kommune får no betre og meir presise kart som gir oversikt over skredfaren i utvalde område med busetnad. Vi ser at delar av den eksisterande busetnaden ligg  innafor faregrensene for skred, fortel NVE sin regionsjef, Brigt Samdal.

 Det er utarbeidd faresonekart for områda Låne, Sagi – Nokken, Balestrand, Ese, nordsida av Esefjorden, Farnes, Sværen, Torsnes, Vetlefjorddalen og Menes.

Karta er enkle i bruk og tek høgde for skredtypane snøskred, sørpeskred, steinsprang, jordskred og flaumskred. Faresonene er teikna inn i kartet, slik at kommunen berre treng å halde seg til ei skredsone. På den måten får kommunen raskt oversikt kva for område som er utsett for skred.

- Gjennom kartlegginga har vi fått ny kunnskap om skredutfordringane i Balestrand kommune. Med faresonekarta som NVE no har fått utarbeidd, har kommunen eit godt grunnlag for rett arealforvaltning og byggesakshandsaming, for å vurdere behov for sikringstiltak, og for lokal skredberedskap, fortel Samdal.

Grunnlaget for faresonekarta er studie av kart og flybilete, terrengmodellanalysar, og feltsynfaringar. Karta vert produsert på digital form, slik at kommunen og andre kan bruke resultata i eigne verkty saman med andre kartdata.

Rapporten med kartene finner du her

Kontaktperson
Brigt Samdal, regionsjef, mobil: 907 48 238

Yngve Midtun, avdelingsingeniør, mobil: 409 18 678