Meir fornybar energi i Odda

NVE har lagt vekt på at ei utbygging av Kolåsåna kraftverk vil vere eit bidrag til produksjon av fornybar energi med avgrensa konsekvensar for miljøet.

Utbygginga vil gjere nytte av fallet mellom 660 moh og 354 moh i elvane Kolåsåna og Stølsåna. Vassvegen skal vere nedgraven heile vegen. Frå omlag 550 moh og ned til kraftstasjonen er vassvegen felles for begge elvane. For framføring av røyrgate og bygging av inntak vert det bygd ein midlertidig anleggsveg.

For å ta vare på noko av den naturlege vassføringsdynamikken, samt oppretthalde noko av produksjonen og den økologiske balansen i elva, er det krav om å sleppe minstevassføring tilsvarande sesongmessige lågvassføringar i både Stølsåna og Kolåsåna.  

NVE vurderer i sum at nytten av tiltaket er større enn skadar og ulemper for private og allmenne interesser, og gjev difor løyve til bygging av Kolåsåna kraftverk på fastsette vilkår.

Les meir om løyve til Kolåsåna kraftverk.

Kontaktpersonar:
Seksjonssjef Øystein Grundt, tlf. 22 95 93 89/ 90 19 82 16
Saksbehandlar Silje Aakre Solheim, tlf. 22 95 95 44