Samferdselsdepartementet

Mo i Rana: Regjeringa vil gjere nye Mo i Rana lufthamn mindre sårbar for satellittforstyrringar

20.11.2026 11:50:34 CET | Samferdselsdepartementet | Pressemelding

Del

Regjeringa foreslår at staten skal kunne bidra med inntil 125 millionar kroner til eit bakkebasert instrumentlandingssystem (ILS) ved den nye lufthamna i Mo i Rana. Systemet skal gi flya ein alternativ innflygingsmoglegheit, dersom satellittbaserte navigasjonssystem blir forstyrra eller fell bort.

Rullebana på den nye Mo i Rana lufthamn
Regjeringa foreslår eit bakkebasert innflygingsssystem i tillegg til satelittnavigasjonssystem på den nye lufthamna i Mo i Rana. Foto: Avinor

– Når vi bygger ei ny lufthamn, skal vi også ta høgde for nye utfordringar. Derfor vil vi leggje til rette for at den nye lufthamna i Mo i Rana blir mindre avhengig av satellittsignal. Med eit bakkebasert instrumentlandingssystem i tillegg styrker vi beredskapen og gjer den nye lufthamna i Mo i Rana mindre sårbar for forstyrringar. Dette vil gjere reisekvardagen meir føreseieleg for alle reisande, seier samferdselsminister Kamzy Gunaratnam.

Den nye lufthamna i Mo i Rana blei planlagt med eit satellittbasert innflygingssystem. Ei slik løysing oppfyller gjeldande krav til flytryggleik og regularitetsmålet for flytrafikken ved  lufthamna.

– Eg er svært nøgd med Arbeidarparti-regjeringa så systematisk har prioritert samferdselsinvesteringar i nord, og at vi no sørger for at den nye store flyplassen vi har finansiert også får ILS. Det vil i tillegg til å styrke beredskapen, gi nye moglegheiter for ruteutvikling ved at regulariteten vil bli vesentleg forbetra, seier kommunal- og distriktsminister Bjørnar Skjæran. 

Tilrådd av Luftfartstilsynet
Men utviklinga med fleire tilfelle av forstyrringar i satellittbaserte navigasjonssystem har aktualisert behovet for ei reserveløysing. Luftfartstilsynet har peika på at ILS på den nye lufthamna vil vere ein fordel for blant anna regulariteten og beredskapen.

Planlagt opning i 2027
Den nye lufthamna i Mo i Rana skal etter planen opne 30. september 2027. Ifølgje Avinor kan ILS truleg bli tatt i bruk frå våren 2028.

Faktaboks

Satellittbasert innflygingssystem (GNSS): Navigasjonssatellittar guidar fly inn mot rullebanen. Korreksjonssignal frå bakken eller satellittar aukar presisjonen og kan gi tilsvarande operative yting som ILS ved innflyging.

Instrumentlandingssystem (ILS): Eit konvensjonelt, bakkebasert innflygingssystem som nyttar radiosignal til å lede fly inn mot rullebanen. Systemet er uavhengig av satellittsignal og gjer infrastrukturen for navigasjon meir robust. 

For fleire opplysningar –  sjå:

Kontakter

Om oss

Samferdselsdepartementet har det overordnede ansvaret for rammevilkår for postvirksomheten, for luftfarts-, vei- og jernbanesektoren og for riksveiferjene.

Følg pressemeldinger fra Samferdselsdepartementet

Registrer deg med din e-postadresse under for å få de nyeste sakene fra Samferdselsdepartementet på e-post fortløpende. Du kan melde deg av når som helst.

Siste pressemeldinger fra Samferdselsdepartementet

Tiltak for betre reisopplevingar for flypassasjerar med nedsett funksjonsevne20.11.2026 11:49:26 CET | Pressemelding

Samferdselsdepartementet vil i dialog med Luftfartstilsynet konkretisere kva som bør gjerast for at personar med nedsett funksjonsevne kan reise med fly på ein verdig måte og utan unødvendige hinder. Informasjon, kunnskap og rettleiing om regleverk vil vere viktige tiltak. Arbeidet tar utgangspunkt i ein rapport som Luftfartstilsynet har laga i tett samarbeid med organisasjonar som representerer denne passasjergruppa.

I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.

Besøk vårt presserom
World GlobeA line styled icon from Orion Icon Library.HiddenA line styled icon from Orion Icon Library.Eye