Presseinvitasjon: Transport- og kommunikasjonskomiteen besøker Møre og Romsdal 26.-27. august

Komiteen innleier besøket onsdag 26. august på Ørsta/Volda Lufthamn der dei vil bli orientert om status og utvikling av flyplassen og samferdselsutviklinga på Søre Sunnmøre før turen går til Ålesund. Der vil mellom anna Kystverket orientere om Stadt skipstunnel og NTP-porteføljen i Vestland og Møre og Romsdal, mens Jernbanedirektoratet vil gje eit innblikk i vekst, vern og framtidsutsikter for Raumabanen.

Torsdag 27. august startar dagen i Molde, der Staten vegvesen vil halde orienteringar om E39 Ålesund-Molde, riksvegnettet i Møre og Romsdal og Nasjonale turistvegar. Møre og Romsdal fylkeskommune og representantar frå næringslivet i fylke vil også halde fleire innlegg.

Reisa held fram til Campus Kristiansund og Kristiansund Lufthamn, med ein stopp på vegen ved brulageret til vegvesenet på Lønset.

Meir detaljert program ligg ved. Det kan komma endringar i programmet.

Moglegheiter for media:

Onsdag 26. august:
10:40-11:40: Pressetreff på bussen Ørsta/Volda Lufthavn-Festøya.
15:55-16:25: Pressetreff ved Kystverkets lokaler i Ålesund før avreise til Molde.

Torsdag 27. august:
10:40-11:10: Pressetreff ved Molde fjordhotell før avreise til Kristiansund.
13:00-13:15: Pressetreff ved Bjartmars favorittkro på Averøya.

På grunn av eit tett program kan berre komitémedlemmene stilla spørsmål under orienteringane. Pressa kan følgja delar av reisa, men møta er ikkje opne for pressa.